Вы тут

Мітынг-рэквіем «Пра гэта нельга забываць» працягвае рэспубліканскую патрыятычную акцыі «Мы памятаем»


Жалобныя мерапрыемствы, прысвечаныя 77-й гадавіне вызвалення Азарыцкага лагера смерці, правялі сёння ў Калінкавіцкай раёне на месцы былога лагера смерці.


— Ад сакавіцкіх дзён 1944 года нас аддзяляюць 77 гадоў, калі савецкія войскі з Азарыцкіх лагераў смерці вызвалілі 33 тысячы мірных жыхароў, — падчас мітынгу-рэквіему аб тых падзеях расказвае старшыня Калінкавіцкай раённай арганізацыі грамадскага аб'яднання Беларускай асацыяцыі былых непаўналетніх вязняў фашызму Уладзімір Гардзіенка. — Як цяпер памятаю: мы, змучаныя і амаль у непрытомнасці, выходзілі з канцлагера па вузкай сцежцы, якую размініравалі чырвонаармейцы. Вызваленне з фашысцкага палону стала для мяне другім днём нараджэння. Былы вязень узгадвае, што ў час Другой сусветнай вайны ўпершыню вязняў Азарыцкага лагера выкарыстоўвалі ў якасці бактэрыялагічнай зброі супраць савецкіх салдат. Эпідэмія тыфу распаўсюджвалася імгненна. Штодня паміралі тысячы чалавек. Гэта была сапраўдная фабрыка смерці, хоць і без крэматорыя. Нават у Бухенвальдзе і Асвенцыме людзі, асуджаныя на смерць, мелі дах над галавой і ежу. У Азарычах жа людзі ўтрымліваліся пад адкрытым небам, іх не кармілі, не давалі пітной вады, катэгарычна забаранялася будаваць буданы або зямлянкі, збіраць галлё для подсцілу, разводзіць вогнішчы. У Азарычах былі знішчаны каля 20 тысяч чалавек.

— Днём і ноччу нас ахоўвалі нямецкія салдаты на вартавых вышках. Калі хто-небудзь набліжаўся да калючага дроту, стралялі без папярэджання. Памерлых за межы лагера ніхто не вёз — яны так і заставаліся непахаванымі, — жудасныя карціны дзяцінства ўзгадвае Уладзімір Гардзіенка. — Наш абавязак — памятаць ад пакалення да пакалення пра падзеі вайны, пра яе герояў і ахвяр. Гэта трэба для таго, каб не дапусціць новай вайны, каб маладое пакаленне не зведала тыя жахі, якія выпалі на нашу долю, — з такімі словамі былы вязень звярнуўся да ўдзельнікаў мітынгу-рэквіему.

У жалобным мерапрыемстве прыняў удзел старшыня Гомельскага аблвыканкама Генадзь Салавей:

— У гэтым годзе спаўняецца 80 гадоў з пачатку Вялікай Айчыннай вайны. Напісаныя тамы літаратуры, захаваліся фота і відэаматэрыялы, успаміны ўдзельнікаў і відавочцаў. Зверстваў фашыстаў няма апраўданняў. Ім было ўсё роўна: старыя, дзеці, жанчыны. Мірных жыхароў выстаўлялі ў баях жывымі заслонамі, іх першымі пускалі на мінныя палі, на іх ставілі вопыты, гнаілі ў канцлагерах, выкарыстоўвалі як донараў, жыўцом спальвалі цэлымі вёскамі, — кіраўнік рэгіёну нагадаў, што, бясспрэчна, святы абавязак кожнага беларуса — захаваць памяць пра падзеі Вялікай айчыннай вайны, заўсёды памятаць пра подзвіг народа. Генадзь Салавей нагадаў, — 9 тысяч беларускіх вёсак паўтарылі трагедыю Хатыні, з іх 1126 — гэта вёскі Гомельскай вобласці.

Наталля КАПРЫЛЕНКА

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.