Вы тут

Адкрыццё Рэспубліканскага маладзёжнага цэнтра анансаваў міністр адукацыі Ігар Карпенка


Падчас сустрэчы з моладдзю, якая пражывае ў Студэнцкай вёсцы, кіраўнік галіны расказаў аб стварэнні  пляцоўкі, дзе студэнты змогуць абмяркоўваць усе пытанні і сумесна рэалізоўваць маладзёжныя праекты. Таксама Ігар Карпенка падзяліўся са студэнтамі бліжэйшымі планамі па развіцці Студэнцкай вёскі: у іх уваходзіць стварэнне спартыўнай кавярні, музейнай экспазіцыі, прысвечанай Еўрапейскім гульням, маладзёжнага савета Студэнцкай вёскі.


Адказваючы на пытанне аб адмене каранціннага рэжыму ў інтэрнатах, міністр сказаў, што з масавай вакцынацыяй каранцінныя меры будуць паступова адмяняцца. Таксама студэнты цікавіліся перспектывамі сумяшчэння выпускных экзаменаў з цэнтралізаваным тэсціраваннем. Міністр запэўніў, што ў гэтым годзе сумяшчэння не будзе, але гэта пытанне прапрацоўваецца.

Наконт крытыкі ў тэлеграм-каналах Ігар Карпенка сказаў, што «трэба проста ўзяць анучу і памыць», заўважыўшы, што ў часы яго студэнцтва такія пытанні ніколі не ўзнімаліся да ўзроўню міністэрства, студэнты самастойна спраўляліся з бытавымі праблемамі.

Прагучала таксама пытанне наконт таго, наколькі Беларусь прасунулася ў Балонскім працэсе. Па словах міністра, некаторыя еўрапейскія стандарты ўвайшлі ў абноўлены Кодэкс аб адукацыі, які ўжо паступіў для разгляду ў Палату прадстаўнікоў.

Надзея НІКАЛАЕВА

Прэв’ю: БелТА

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем'і і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.