Вы тут

Даследчыкі блакітных скарбаў


Калі на беразе возера ці рэчкі вы заўважылі, як высока над вамі кружляе квадракоптар, а каля вады засяроджана «варожаць» людзі з незвычайнай апаратурай у руках — вы ўбачылі адзін з момантаў палявой работы спецыялістаў рэдкага профілю. Яны супрацоўнікі Цэнтральнага навукова-даследчага інстытута комплекснага выкарыстання водных рэсурсаў.


На­чаль­нік ад­дзе­ла  Па­лі­на За­хар­ка.

Вучоныя і даследчыкі гэтай установы выязджаюць у «поле», галоўным чынам калі аб'екты іх назіранняў не схаваныя пад ільдамі і снегам. Але і ў зімовы час іх праца не губляе напружанасці: працягваецца апрацоўка назапашаных матэрыялаў, складаюцца новыя вытворчыя планы.

Стар­шы на­ву­ко­вы су­пра­цоў­нік Іван Бу­лак  і ма­лод­шы на­ву­ко­вы су­пра­цоў­нік Анас­та­сія Ру­сі­на.

Калектыў гэтага інстытута распрацоўвае канцэптуальныя асновы прагназавання, планавання, нармавання, кіравання і кантролю за выкарыстаннем і аховай воднага багацця краіны. Навукоўцы распрацоўваюць праекты водаахоўных зон і санітарнай аховы тэрыторый водазабораў, абагульняюць і аналізуюць матэрыялы па дзяржаўным водным кадастры. Фізічнае і матэматычнае мадэляванне дазваляе ім дакладна вызначаць рух вады і прымесяў у сістэмах. Сучасныя метады апрацоўкі інфармацыі дапамагаюць вызначаць, як найбольш рацыянальна выкарыстоўваць водныя рэсурсы ў розных галінах эканомікі.

На­ву­ко­вы су­пра­цоў­нік  Аляк­санд­ра Глін­ская.

На гэтых фотаздымках — некалькі імгненняў звычайнага працоўнага дня навукоўцаў і даследчыкаў. Калектыў інстытута амаль напалову складаецца з моладзі, якая паспяхова асвойвае новае сучаснае абсталяванне і методыку. Сваю дзейнасць маладыя людзі бачаць у творчым адзінстве са сталымі, дасведчанымі спецыялістамі.

Аб­ста­ля­ван­не для пад­вод­ных за­ме­раў  рых­туе ма­лод­шы на­ву­ко­вы су­пра­цоў­нік Ягор Ле­ва­чоў.

Яўген ПЯСЕЦКІ

Фота аўтара

Выбар рэдакцыі

Эканоміка

Калі крэдыт патрэбен як паветра. У гэтым пытанні шмат падводных камянёў

Калі крэдыт патрэбен як паветра. У гэтым пытанні шмат падводных камянёў

Зрабіць тэрміновы рамонт, купіць добры халадзільнік замест старога, набыць новую мэблю — планы, знаёмыя многім.

Культура

Уладзімір Мазго: «Маладзечанскі фестываль натхніў мяне на стварэнне новых песень»

Уладзімір Мазго: «Маладзечанскі фестываль натхніў мяне на стварэнне новых песень»

Калі проза — невычэрпная велічная рака, то паэзія — бурлівы неўтаймоўны вадаспад з безліччу гуллівых пырскаў-эмоцый.

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.