Вы тут

Каляндар масавых забегаў у Мінскай вобласці


Беларуская федэрацыя лёгкай атлетыкі прадставіла каляндар масавых забегаў, якія адбудуцца ў 2021 годзе ў Мінскай вобласці. Расказваем, дзе бегуны Міншчыны змогуць паспрабаваць свае сілы.


Бярэзіна Трэйл

Калі – 29 мая

Дзе – Барысаў

Дыстанцыі – 10 кіламетраў, 25 кіламетраў, дзіцячыя забегі, сямейны забег.

Упершыню гэты забег прайшоў у верасні 2020 году і сабраў больш за сотню аматараў бегу розных узростаў. Траса праходзіць уздоўж берага Бярэзіны па месцах пераправы армій Напалеона ў 1812 годзе. Сёлета траса стане яшчэ цікавейшай. Удзельнікі будуць пераадольваць больш брадоў, дамбы, лясны масіў і балоцістую мясцовасць. Дзіцячы трэйл таксама будзе цікавым з пясочнымі і воднымі перашкодамі.

Рэгістрацыя

Шляхам Якуба Коласа

Калі – 20 чэрвеня

Дзе – Стоўбцы

Дыстанцыі – 6 кіламетраў, 10 км, 30 км, сямейны забег.

Гэты забег – выдатная магчымасць сумясціць спорт і літаратуру. Траса будзе пралягаць па маляўнічых месцах, якія натхнялі Якуба Коласа: высокі бераг Нёмана, лясныя дарогі Акінчыц (радзіма песняра), Смольня. Удзельнікі змогуць наведаць два музеі Якуба Коласа.

Рэгістрацыя

Kopyl Race

Калі – 10 ліпеня

Дзе – Капыль

Забег ужо не першы год збірае аматараў бегу з розных рэгіёнаў. Пад’ёмы, спускі, раллі, снапы сена – усё гэта і не толькі ўдзельнікі пераадольваюць на шляху да фінішу. Падрабязная інфармацыя і рэгістрацыя будуць аб’яўлены пазней.

Водны забег

Калі – 24 ліпеня

Дзе – Мядзел

Гэты забег будзе цікавым тым, хто любіць кідаць сабе выклікі. Яго складанасць у тым, што ўдзельнікі пераадольваюць дыстанцыю і па вадзе. У мінулым годзе навінкай стала дысцыпліна, якая ўключала 15 км бегу і 1,5 км плавання. Сюрпрызы гэтага забегу арганізатары пакуль не раскрываюць, падрабязная інфармацыя і рэгістрацыя будуць аб’яўлены пазней.

Беларуская федэрацыя лёгкай атлетыкі актыўна развівае і папулярызуе масавы спорт у краіны. Выдатны інструмент для гэтага – масавыя забегі, мноства якіх кожны год праходзіць у розных кутках краіны. Гэтыя мерапрыемствы любімыя іх удзельнікамі за магчымасць кінуць сабе выклік, праверыць свае сілы і атрымаць яркія эмоцыі на дыстанцыі і на фінішы.

Валерыя СЦЯЦКО

Фота БФЛА

Выбар рэдакцыі

Палітыка

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

У Маскве адбылася сустрэча і перагаворы кіраўніка нашай краіны з яго калегам Уладзімірам Пуціным.

Эканоміка

За якія парушэнні могуць прыпыніць работу магазінаў?

За якія парушэнні могуць прыпыніць работу магазінаў?

МАРГ час ад часу прыпыняе работу магазінаў.

Грамадства

Еш ананасы, яблыкі жуй! Як падтрымаць імунітэт без аптэчкі?

Еш ананасы, яблыкі жуй! Як падтрымаць імунітэт без аптэчкі?

З авітамінозам у нас прынята змагацца па-старому...

Грамадства

Брагінскія кавуны з прыстаўкай «эка-»

Брагінскія кавуны з прыстаўкай «эка-»

На Гомельшчыне актыўна рэалізоўваюцца праекты па развіцці тэрыторый, пацярпелых у выніку катастрофы на ЧАЭС.