Вы тут

Крынічны бярозавік


У Крынічанскім лясніцтве Мазырскага доследнага лясгаса гэтымі днямі пачалася нарыхтоўка бярозавага соку. За сокавы перыяд (а ён звычайна доўжыцца два-тры тыдні) тут запланавана нарыхтаваць сем тон вітаміннага напою. Ужо дзявяты год гэтай далікатнай вяснова-бярозавай справай даручана займацца лесніку Мікалаю ШАХЛАНУ: на лясной дзялянцы, якая ў будучыні пойдзе пад высечку, ён выбраў адпаведныя дрэвы, зрабіў тэхналагічныя насечкі для латкоў, паставіў спецыяльныя поліэтыленавыя пакеты-мяшкі. І першыя струмені соку вольна пацяклі ў тару.


— У асноўным мы рэалізоўваем сок для насельніцтва — для мазыран, жыхароў пасёлка Крынічны, навакольных населеных пунктаў — яны ўжо чакаюць, звоняць у лясніцтва, пытаюцца, калі можна прыязджаць. Бяруць і па сорак літраў і нават па сто, — кажа Мікалай Шахлан.

Малады ляснік — сам сын лесніка: бацька Мікалая таксама шмат гадоў служыў лесу, вядома, займаўся і нарыхтоўкамі соку. Цяпер Шахлан-малодшы працягвае справу, якую засвоіў з маленства. Сваіх дзяцей ён таксама знаёміць не толькі з прыродай і лесам, але і з лесніковай працай. Яго малодшая дачка Маргарыта (на фота) у захапленні ад вясновага лесу, тым больш што яна першы раз трапіла на бярозавую дзялянку.

Анатоль КЛЯШЧУК, фота аўтара

Выбар рэдакцыі

Палітыка

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

У Маскве адбылася сустрэча і перагаворы кіраўніка нашай краіны з яго калегам Уладзімірам Пуціным.

Эканоміка

За якія парушэнні могуць прыпыніць работу магазінаў?

За якія парушэнні могуць прыпыніць работу магазінаў?

МАРГ час ад часу прыпыняе работу магазінаў.

Грамадства

Еш ананасы, яблыкі жуй! Як падтрымаць імунітэт без аптэчкі?

Еш ананасы, яблыкі жуй! Як падтрымаць імунітэт без аптэчкі?

З авітамінозам у нас прынята змагацца па-старому...

Грамадства

Брагінскія кавуны з прыстаўкай «эка-»

Брагінскія кавуны з прыстаўкай «эка-»

На Гомельшчыне актыўна рэалізоўваюцца праекты па развіцці тэрыторый, пацярпелых у выніку катастрофы на ЧАЭС.