Вы тут

Віншаванне Аляксандра Лукашэнкі з Днём яднання народаў Беларусі і Расіі


Дарагія сябры!

Віншую вас з Днём яднання народаў Беларусі і Расіі.

Дваццаць пяць гадоў таму, 2 красавіка 1996 года, быў падпісаны Дагавор аб утварэнні Супольнасці Беларусі і Расіі, які дазволіў двум брацкім народам пераадолець разбуральныя цэнтрабежныя тэндэнцыі ў эканоміцы і сацыяльнай сферы і перайсці да будаўніцтва нашага агульнага саюзнага дому на трывалай аснове гістарычнай, духоўнай і культурнай супольнасці.

За чвэрць стагоддзя намі пройдзены значны шлях. Па глыбіні збліжэння нацыянальных заканадаўстваў, развіцці дагаворна-прававой базы і маштабах узаемадзеяння ў прамысловай, навукова-тэхнічнай, абароннай, знешнепалітычнай, сацыяльнай і гуманітарнай галінах Саюзнай дзяржаве няма роўных на еўразійскай прасторы.

Мы не толькі захавалі, але і ў шмат разоў прымножылі кааперацыйныя сувязі ў вытворчасці, адукацыі і культуры.

Сярод агульных дасягненняў — сумесны запуск касмічных апаратаў, стварэнне суперкамп'ютараў, рэалізацыя шматлікіх высокатэхналагічных праектаў у прамысловасці і сельскай гаспадарцы. Новай вяршыняй супрацоўніцтва стаў увод у эксплуатацыю першага энергаблока Беларускай АЭС.

І ў Беларусі, і ў Расіі нашы грамадзяне маюць роўны доступ да адукацыі, аховы здароўя, сістэмы сацыяльнага забеспячэння, бесперашкоднага працаўладкавання, перамяшчэння і выбару месца жыхарства. Гэтыя ўражлівыя вынікі дзейнасці Саюзнай дзяржавы ўжо сталі звыклымі для нас.

У няпростых умовах мінулага года мы яшчэ раз пераканаліся, наколькі важныя магчымасці, якія многімі ўспрымаюцца як данасць. Наколькі каштоўнай з'яўляецца ўзаемная падтрымка! Пацвярджэннем сапраўды брацкіх, дружалюбных, непарыўных адносін паміж нашымі краінамі стала аб'яднанне намаганняў у барацьбе з новай інфекцыяй.

Пандэмія вельмі абвастрыла негатыўныя геапалітычныя трэнды, і сёння Беларусь і Расія адчуваюць беспрэцэдэнтны ціск звонку.
У гэтай абстаноўцы кансалідацыя на ўсіх пляцоўках Саюзнай дзяржавы дазваляе нам аператыўна і эфектыўна рэагаваць на ўвесь спектр сучасных выклікаў і пагроз, надзейна гарантуе бяспеку і стратэгічную стабільнасць у рэгіёне.

Відавочна, што ў далейшым паглыбленні саюзнай інтэграцыі на аснове прынцыпаў роўнасці і незалежнасці дзвюх дзяржаў, ва ўзаемавыгадным супрацоўніцтве кроўна зацікаўлены як расіяне, так і беларусы.

Дарагія сябры!

Перакананы, што разам мы пераадолеем усе цяжкасці, пацвярджаючы правільнасць выбранага дваццаць пяць гадоў таму курсу на згуртаванне і сумеснае развіццё нашых краін у рамках Саюзнай дзяржавы.

Ад усёй душы жадаю вам добрага здароўя, дабрабыту, мірнага бясхмарнага неба, адзінства і ўпэўненасці ў заўтрашнім дні.

Старшыня Вышэйшага Дзяржаўнага Савета Саюзнай дзяржавы,

Прэзідэнт Рэспублікі Беларусь

Аляксандр Лукашэнка

Мінск, 2 красавіка 2021 года.

Загаловак у газеце: Значны шлях даўжынёй у чвэрць стагоддзя

Выбар рэдакцыі

Грамадства

Экалагічна і эканамічна: як жыць па прынцыпе «Нуль адходаў»?

Экалагічна і эканамічна: як жыць па прынцыпе «Нуль адходаў»?

Гэта прынцыпы, накіраваныя на зніжэнне колькасці смецця і захаванне рэсурсаў планеты.

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Эканоміка

Больш за палову аўтамабільнага рынку планеты стане электрычным ужо праз пяць гадоў

Больш за палову аўтамабільнага рынку планеты стане электрычным ужо праз пяць гадоў

А наша краіна разлічвае, што праз чатыры гады кожная 20 машына будзе электракарам.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.