У галерэі Г. Х. Вашчанкі арганізуюць квест «Скарбы галерэі», паведамілі ва ўстанове.
У галерэі прадстаўляюць новы фармат работы са школьнікамі — квест. «„Скарбы галерэі“ — гэта мікс экскурсіі, лагічных задач, майстар-класаў і шмат іншага. Квест ахоплівае розныя выставы. Прычым юнакі і дзяўчаты ў форме гульні навучацца бачыць сэнс у карцінах беларускіх мастакоў», — расказалі ва ўстанове.
Праект разлічаны на вучняў 5-7 класаў. Праходзіць лабірынт галерэі больш цікава камандай каля 10 чалавек. «Сучасная карцінная галерэя — гэта культурная прастора, якая адкрыта для самых розных узроставых аўдыторый, і да кожнай з іх патрэбны пэўны падыход», — удакладнілі ў галерэі.
Квест займае каля 90 мінут. Паўтары гадзіны праляцяць непрыкметна і цікава, уразіўшы кожнага ўдзельніка.
Арганізатары просяць жадаючых далучыцца да мастацтва праз квест запісвацца загадзя. «Прастора праходжання квеста ахоплівае практычна ўсю галерэю, ёсць дні (напрыклад, змены экспазіцыі), калі яго правесці складана. Тэлефон для запісу +375-29-609-48-96», — удакладнілі ў галерэі.
Прапанова актуальна да канца года.
У Маскве адбылася сустрэча і перагаворы кіраўніка нашай краіны з яго калегам Уладзімірам Пуціным.
МАРГ час ад часу прыпыняе работу магазінаў.
З авітамінозам у нас прынята змагацца па-старому...
На Гомельшчыне актыўна рэалізоўваюцца праекты па развіцці тэрыторый, пацярпелых у выніку катастрофы на ЧАЭС.
