Вы тут

Беларускі парламент адкрыты для дыялогу і ўзаемадзеяння з латвійскімі калегамі


Пра гэта заявіла член Пастаяннай камісіі па міжнародных справах Палаты прадстаўнікоў Ганна Старавойтава падчас анлайн-сустрэчы членаў рабочай групы па супрацоўніцтву з парламентам Латвійскай Рэспублікі з паслом Латвіі Эйнарсам Семанісам.


Як паведаміла Ганна Старавойтава, да 2020 года адзначалася актывізацыя міжпарламенцкага дыялогу паміж Беларуссю і Латвіяй, ажыццяўляліся кантакты ўрадаў, МЗС, вялася праца па падрыхтоўцы да сумеснага правядзення чэмпіянату свету па хакеі, планаваўся візіт на вышэйшым узроўні ў Рыгу. «На жаль, пасля правядзення ў жніўні 2020 года выбараў у Беларусі Латвія замарозіла кантакты з беларускімі афіцыйнымі асобамі. Быў прыняты шэраг несяброўскіх дзеянняў, заява сейма Латвіі аб непрызнанні вынікаў выбараў», — сказала дэпутат.

Па словах парламентарыя, нягледзячы на напружанасць у палітыцы, краіны актыўна ўзаемадзейнічаюць у эканамічнай сферы. Перспектыўнымі кірункамі з’яўляюцца дрэваапрацоўка, фармацэўтыка, вытворчасць харчовай прадукцыі, турызм, сфера паслуг (асабліва галіна інфармацыйна-камунікацыйных тэхналогій). Рэгулярна праходзілі пасяджэнні беларуска-латвійскай міжурадавай камісіі па гандлёва-эканамічным і навукова-тэхнічным супрацоўніцтве. Беларускі бок выказаўся за аднаўленне дзейнасці разнастайных сумесных камісій.

«Хацелася б падкрэсліць, што Беларусь зацікаўлена ў развіцці добрасуседскіх адносін і ўзаемавыгаднага супрацоўніцтва з Латвіяй па шырокім спектры пытанняў. Важнай мы бачым актывізацыю супрацоўніцтва паміж Нацыянальным сходам Рэспублікі Беларусь і Сеймам Латвіі. Гэта будзе садзейнічаць развіццю ўсебаковага дыялогу ў духу добрасуседскіх адносін», — дадала Ганна Старавойтава.

Яна ўпэўнена: кантакты актывізуюцца на ўсіх узроўнях пасля адмены пандэмійных абмежаванняў і заяўляе, што беларускі парламент адкрыты да дыялогу і ўзаемадзеяння ў любым фармаце.

Надзвычайны і Паўнамоцны Пасол Латвіі ў Беларусі Эйнарс Семаніс пагадзіўся, што ва ўсіх адносінах паміж краінамі зараз складаны час, але дыпламатычныя каналы камунікацыі павінны заставацца адкрытымі.

«Наш народ жадае, каб адносіны былі добрасуседскімі і Беларусь была незалежнай, суверэннай, стабільнай, эканамічна развітай і дэмакратычнай краінай. Гэта была і будзе наша асноўная ўстаноўка», — дадаў пасол.

Ён падкрэсліў, што эканамічныя адносіны, нягледзячы на праблемы, развіваюцца. Гэта бачна па інвестыцыйных праектах, нязначным падзенні (усяго на 6 %) у пандэмійны час гандлю. Латвійскі бок выказаўся і за больш актыўнае развіццё лагістычнага і транспартнага супрацоўніцтва.

Марыя ДАДАЛКА

Прэв’ю: БелТА

Выбар рэдакцыі

Палітыка

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

У Маскве адбылася сустрэча і перагаворы кіраўніка нашай краіны з яго калегам Уладзімірам Пуціным.

Эканоміка

За якія парушэнні могуць прыпыніць работу магазінаў?

За якія парушэнні могуць прыпыніць работу магазінаў?

МАРГ час ад часу прыпыняе работу магазінаў.

Грамадства

Еш ананасы, яблыкі жуй! Як падтрымаць імунітэт без аптэчкі?

Еш ананасы, яблыкі жуй! Як падтрымаць імунітэт без аптэчкі?

З авітамінозам у нас прынята змагацца па-старому...

Грамадства

Брагінскія кавуны з прыстаўкай «эка-»

Брагінскія кавуны з прыстаўкай «эка-»

На Гомельшчыне актыўна рэалізоўваюцца праекты па развіцці тэрыторый, пацярпелых у выніку катастрофы на ЧАЭС.