Група высокага ўзроўню Савета Міністраў Саюзнай дзяржавы ўчора ўзгадніла балансы паставак беларускіх аўтамабіляў, трактароў і іншай тэхнікі ў Расію. Аб гэтым паведаміў па выніках пасяджэння дзяржаўны сакратар Саюзнай дзяржавы Дзмітрый Мезенцаў, перадае БелТА.
«Кіраўніцтва Міністэрства прамысловасці і гандлю Расіі і партнёры з Беларусі далажылі, што ўзгоднены балансы паставак тавараў з Беларусі ў Расію, — сказаў Дзмітрый Мезенцаў. — Гэта тычыцца аўтамабіляў, камбайнаў, іншай машынабудаўнічай прадукцыі, дарожнай тэхнікі. Гэта дзясяткі тавараў, па якіх мы раней спрачаліся, а сёння ўзгаднілі блізкія падыходы. Можа быць, яны яшчэ не адзіныя, але, ва ўсякім разе, рух, у тым ліку да падпісання дарожнай карты, або, як мы сёння гаворым, саюзнай праграмы па правядзенню адзінай прамысловай палітыкі, — яно відавочна і пацверджана бакамі».
Пасяджэнне Групы высокага ўзроўню прайшло пад кіраўніцтвам яе сустаршыняў Надзвычайнага і Паўнамоцнага Пасла Беларусі ў Расіі Уладзіміра Сямашкі і віцэ-прэм'ера Расіі Аляксея Аверчука. У ім таксама прынялі ўдзел адказны сакратар Парламенцкага сходу Саюза Беларусі і Расіі Сяргей Стрэльчанка, кіраўнікі міністэрстваў Беларусі і Расіі, старэйшыя дыпламаты дыппрадстаўніцтваў дзвюх краін, адказныя работнікі Пастаяннага камітэта Саюзнай дзяржавы.
Прэв’ю: БелТА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.