Вы тут

Беларусь і Кітай пачалі перагаворы па пагадненні аб інвестыцыях і гандлі паслугамі


Першы раўнд перагавораў па пагадненні аб гандлі паслугамі і ажыццяўленні інвестыцый паміж Беларуссю і Кітайскай Народнай Рэспублікай прайшоў 7 красавіка ў анлайн-фармаце, паведамілі ў прэс-службе Міністэрства эканомікі.


У пасяджэнні прынялі ўдзел прадстаўнікі эканамічных ведамстваў дзвюх краін, а таксама Міністэрства замежных спраў КНР, Дзяржаўнага камітэта па развіцці і рэформах КНР, Міністэрства прамысловасці і інфармацыйных тэхналогій КНР, Дзяржаўнага ўпраўлення па рэгуляванні рынку КНР.

Бакі падкрэслілі стратэгічны характар пагаднення, зацвердзілі тэхнічнае заданне да перагавораў (агульныя прынцыпы і мэты, сферы, арганізацыйны механізм узаемадзеяння). Таксама абмеркаваны асобныя пытанні падрыхтоўкі некаторых раздзелаў будучага пагаднення, у прыватнасці гандаль паслугамі, інвестыцыі і абарону правоў інтэлектуальнай уласнасці.

Для якаснай і дэталёвай адпрацоўкі раздзелаў, якія патрабуюць найбольшага увагі, узгоднена стварэнне трох рабочых груп: па гандлі паслугамі, інвестыцых і інтэлектуальнай уласнасці, электроннай камерцыі.

У прэс-службе адзначылі, што двухбаковыя адносіны з Кітаем паступальна ўмацоўваюцца. Работа па выбудоўванні гандлёва-эканамічных адносін Беларусі і КНР, што праводзіцца бакамі, дала магчымасць не дапусціць зніжэння знешнегандлёвага абароту тавараў і паслуг, які па выніках 2020 года перавысіў $5 млрд. Нягледзячы на пандэмію, забяспечаны тавараабарот на ўзроўні не ніжэйшым за пікавае значэнне 2019 года, а знешнегандлёвы абарот паслугамі паміж краінамі прырос на 16 працэнтаў. Кітай з’яўляецца другім гандлёвым партнёрам Беларусі (пасля Расіі).

«Заключэнне пагаднення — адзін з важнейшых напрамкаў далейшага развіцця і ўмацавання гандлёва-эканамічнага супрацоўніцтва Беларусі і Кітая. Бакі нацэлены на актыўнае нарошчванне супрацоўніцтва з акцэнтам на інвестыцыі, спалучэнне вытворчых патэнцыялаў дзвюх краін, павелічэнне і збалансаванасць двухбаковага гандлю», — падкрэслілі ў міністэрстве.

Прэв’ю: pixabay.com

Выбар рэдакцыі

Калейдаскоп

Тэст. Блізка да зор: беларусы і космас

Тэст. Блізка да зор: беларусы і космас

12 красавіка спаўняецца 60 гадоў першаму палёту чалавека ў космас.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні давядзецца сабрацца — ад вас спатрэбяцца стойкасць і цярпенне.

Культура

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Абеліск у памяць пра вязняў канцлагера стаіць крыху наводдаль.

Грамадства

Як засцерагчы сябе ад нітратаў?

Як засцерагчы сябе ад нітратаў?

Медыкі раяць налягаць на вясновую зеляніну.