Вы тут

У Нацбанку растлумачылі, навошта ўвялі абмежаванне на зняцце наяўных


Нацбанк прыняў новыя правілы, паводле якіх падазронай лічыцца аперацыя, калі кліент на працягу тыдня здымае ў банкамаце наяўныя на 200 базавых велічынь (5 800 рублёў) і больш. У прэс-службе Нацбанка патлумачылі, з чым звязаныя новаўвядзенні.


«У сувязі з уступленнем у сілу з 20 лістапада 2020 г. змяненняў у закон „Аб мерах па прадухіленні легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага паражэння“ Нацбанкам прыняты меры па яго рэалізацыі», — гаворыцца ў афіцыйным каментары.

Фота: pixabay.com

У прыватнасці, унесены змены ў «Інструкцыю аб патрабаваннях да правіл унутранага кантролю...», зацверджаную пастановай № 818 праўлення Нацбанка ад 24 снежня 2014 г.

Пашыраны пералік крытэрыяў выяўлення і прыкмет падазронасці фінансавых аперацый. Яны тычацца незаконнай прадпрымальніцкай дзейнасці, неабгрунтаванага пералічэння грошай нерэзідэнтаў на карысць іншых нерэзідэнтаў праз беларускія банкі (так званых транзітных аперацый), атрымання наяўных грашовых сродкаў. Таксама дапоўнены фактары, якія павышаюць ступень рызыкі працы з кліентам пры выкарыстанні інавацыйных паслуг (прадуктаў).

У сакавіку 2020 г. пастановай ад 2021/03/31 г. № 82 скарочаны да тыдня перыяд кантролю асобных аперацый кліентаў, напрыклад, зняцця грашовай наяўнасці ў банкаматах пры выкарыстанні аплатнай карты, эмітаванай банкам-нерэзідэнтам, пералічэння з-за мяжы даходаў і іншых грошай па беставарных здзелках (паслугі, пазыкі, дывідэнды, выйгрышы, бязвыплатная дапамога і т. п.). Раней падобныя аперацыі кантраляваліся на працягу месяца, а парогавая сума складала 500 базавых велічынь і больш у месяц.

Скарачэнне перыяду кантролю да тыдня запатрабавала зніжэння парогавай сумы, растлумачылі ў Нацбанку. Цяпер яна складае 200 базавых велічынь і больш у тыдзень. У пераліку на месяц памер парогавай сумы — не менш за 800 базавых велічынь.

«Названыя меры не з’яўляюцца абмежавальнымі і выкарыстоўваюцца банкамі ў мэтах ўнутранага кантролю, накіраванага на зніжэнне рызык уключэння ў аперацыі, звязаныя легалізацыяй злачынных даходаў», — удакладнілі ў Нацбанку.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.