Вы тут

Зацвердзілі рэгіянальны комплекс мерапрыемстваў па рэалізацыі Дзяржаўнай праграмы «Аграрны бізнес»


Нядаўна на сесіі абласнога Савета дэпутатаў зацвердзілі рэгіянальны комплекс мерапрыемстваў па рэалізацыі ў 2021—2025 гадах Дзяржаўнай праграмы «Аграрны бізнес». З мясцовай казны дзеля гэтага запланавана вылучэнне больш за 755 мільёнаў рублёў. А каб абнавіць парк сельскагаспадарчай тэхнікі і агрэгатаў, запланавана з розных крыніц фінансавання выдаткаваць каля 1,6 мільярда рублёў.


Фота: pixabay.com

Калі абмяркоўваўся праект рашэння, дэпутаты пачулі ад старшыні камітэта па сельскай гаспадарцы і харчаванні Віцебскага аблвыканкама Сяргея Ягорава важныя лічбы і факты. Галоўныя мэты — павысіць канкурэнтаздольнасць і якасць прадукцыі, павялічыць экспарт. У шасці падпраграмах абгрунтавана расказваецца, як сказалі б ваенныя, «пра стратэгію і тактыку».

Напрыклад, для Віцебшчыны вельмі важная тэма меліярацыйная. Гаспадаркі апрацоўваюць прыблізна 500 тысяч гектараў асушаных зямель — а гэта вельмі многа: каля 40 % ад усіх зямель сельскагаспадарчага прызначэння. Прадугледжваецца фінансаванне работ і сістэмны падыход, каб меліярацыя прыносіла максімум карысці. Пры гэтым магчыма эканомія дзякуючы таму, што летась усе сістэмы меліярацыі перадалі на баланс спецыялізаванаму холдынгу. Вядома, што ў аднаго гаспадара парадку будзе значна больш.

Шмат увагі будзе аддадзена і сортаабнаўленню. За пяць гадоў запланавана давесці рэалізацыю насення вышэйшых рэпрадукцый да 7 тысяч тон. Менавіта столькі і трэба для пасеву на палях Прыдзвінскага краю.

Сярод амбіцыйных мэт — выхад да 2025 года да ўзроўню гадавога ўраджаю збожжавых каля 1,5 мільёна тон. Пра магчымасць гэтага гаварылі даўно. І вось агучаны канкрэтны тэрмін.

А ў выніку таго, што будзе павялічана колькасць галоў племянных жывёл, разам з ажыццяўленнем іншых мер за пяцігодку індэкс вытворчасці жывёлагадоўчай прадукцыі дасягне 126 %.

Аляксандр ПУКШАНСКІ

Загаловак у газеце: Стратэгія і тактыка

Выбар рэдакцыі

Эканоміка

Калі крэдыт патрэбен як паветра. У гэтым пытанні шмат падводных камянёў

Калі крэдыт патрэбен як паветра. У гэтым пытанні шмат падводных камянёў

Зрабіць тэрміновы рамонт, купіць добры халадзільнік замест старога, набыць новую мэблю — планы, знаёмыя многім.

Культура

Уладзімір Мазго: «Маладзечанскі фестываль натхніў мяне на стварэнне новых песень»

Уладзімір Мазго: «Маладзечанскі фестываль натхніў мяне на стварэнне новых песень»

Калі проза — невычэрпная велічная рака, то паэзія — бурлівы неўтаймоўны вадаспад з безліччу гуллівых пырскаў-эмоцый.

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.