Вы тут

Зацвердзілі рэгіянальныя комплексы мерапрыемстваў каля дзесяці дзяржаўных праграм


На пазачарговай сесіі Віцебскага абласнога Савета дэпутатаў былі зацверджаны рэгіянальныя комплексы мерапрыемстваў каля дзесяці дзяржаўных праграм. І яны без перабольшвання датычацца ўсіх жыхароў паўночнай вобласці Беларусі.


Але ў пачатку заслухалі справаздачу аб выкананні абласнога бюджэту за 2020 год. Як адзначыў начальнік галоўнага фінансавага ўпраўлення аблвыканкама Генадзь Грэбнеў, аб'ём уласных падатковых і непадатковых даходаў кансалідаванага бюджэту летась склаў парадку 1,5 мільярда рублёў — на 4 % больш у параўнанні з пазамінулым годам. Па выніках года ўдалося дасягнуць збалансаванага выканання бюджэту вобласці, памер яго дэфіцыту адпавядае патрабаванням адпаведнага заканадаўства. Датацыйнасць кансалідаванага бюджэту захавалася на зацверджаным узроўні...

Фота: pixabay.com

Летась выдаткі былі на ўзроўні 2,6 мільярда рублёў — на 10 % больш, чым у 2019-м (гэта стала магчымым у асноўным у выніку фінансавай падтрымкі з бюджэту рэспубліканскага ўзроўню). Прыблізна 66 % грошай накіравалі на тое, каб фінансаваць сацыяльна-культурную сферу.

Акрамя таго, зрабілі многае, каб падчас пандэміі падтрымаць тых, хто на перадавой. Некаторыя лічбы сведчаць самі за сабе. Напрыклад, 73 мільёны рублёў за 2020 год выплацілі ў якасці надбавак медыкам, работнікам сацыяльнай абароны.

Пры тым, што ўлада павінна была грашыма рэагаваць на выклікі часу, не панізілі фінансаванне эвалюцыйных праграм, пра якія ведаюць далёка за межамі краіны. У прыватнасці, па-ранейшаму шмат робіцца для «перазагрузкі» Аршаншчыны, паскоранага развіцця гарадоў з насельніцтвам больш за 80 тысяч чалавек, пасёлкаў.

Старшыня «абласнога парламента» Уладзімір Цярэнцьеў даручыў народным выбраннікам распавесці даступнай мовай землякам пра бюджэт: куды накіроўваюцца грошы. Каб выбаршчыкі наогул былі ў курсе, у якім стане «кашалёк вобласці»...

Што датычыцца вырашэння жыллёвага будаўніцтва, асабліва ўважліва абмяркоўвалі забеспячэнне квадратнымі метрамі шматдзетных сямей. З 64 тысяч грамадзян, якія маюць патрэбу ў паляпшэнні жыллёвых умоў, каля 3 тысяч — з ліку такіх. Уладзімір Цярэнцьеў пацікавіўся, як хутка вырашыцца жыллёвае пытанне для мнагадзетных. Як высветлілася, на працягу года на Віцебшчыне здольны ўручыць ключы навасёлам з трыма і больш дзеткамі. Такім чынам, праблем няма.

Узнімалася і тэма электрадамоў. Калі летась у вобласці трэба было пабудаваць парадку 11 тысяч «квадратаў» такога жылля, сёлета — прыкладна ў 2,2 раза больш.

Пытанні ЖКГ — на асаблівым кантролі. Дэпутаты добра разумеюць, што выбаршчыкі чакаюць, каб якасць паслуг была на найвышэйшым узроўні, улічваючы і падаражанне. Людзі хочуць, каб работнікі сістэмы былі ветлівымі і стараліся як мага аператыўна прыбыць у выпадку, калі ў жыллі камунальныя праблемы.

У цэнтры ўвагі па-ранейшаму — забеспячэнне якаснай вадой населеных пунктаў.

Начальнік галоўнага ўпраўлення жыллёва-камунальнай гаспадаркі Віцебскага аблвыканкама Юрый Дзядзёла падкрэсліў, што падчас пяцігодкі насельніцтва Віцебшчыны неабходна на 100 % забяспечыць чыстай вадой. За мінулую пяцігодку паказчык падачы вады ў жыллё нарматыўнай якасці здолелі давесці да больш чым 96 %.

Там, дзе жывуць 100 і больш чалавек, неабходна ўсталёўваць станцыі абезжалезвання, а ў маленькіх вёсачках магчыма выкарыстанне індывідуальных сістэм ачысткі вады.

Старшыня аблсавета Уладзімір Цярэнцьеў анансаваў сваю справаздачу ў хуткім часе. Аб тым, што зроблена, найбольш важных праблемах, а таксама якія пытанні дэпутатам неабходна падцягнуць на новы ўзровень, аб планах мы абавязкова раскажам на старонках «МС».

Аляксандр ПУКШАНСКІ

Загаловак у газеце: Бюджэт, ахова здароўя, «квадраты» і ЖКГ...

Выбар рэдакцыі

Грамадства

Пуд солі. Ружовая, чорная або марская — чым яны адрозніваюцца?

Пуд солі. Ружовая, чорная або марская — чым яны адрозніваюцца?

Раней было прасцей: скончылася ў доме соль — ідзеш у краму і купляеш, і ўсё зразумела.

Эканоміка

Змены ў падатковы кодэкс. Хто заплаціць падатак на кватэру, а хто не?

Змены ў падатковы кодэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.