Вы тут

Багатыя краіны свету з'яўляюцца асноўнымі атрымальнікамі вакцын ад COVID-19


На жыхароў 27 найбагацейшых краін прыходзіцца 40% усіх вырабленых вакцын, перадае ТАСС са спасылкай на агенцтва Bloomberg.


Фота: pixabay.com

Тэмпы вакцынацыі ад COVID-19 у краінах з найбольшымі даходамі ў 25 разоў апярэджваюць аналагічныя паказчыкі, чым у дзяржавах з найменшымі даходамі. У агенцтве прааналізавалі размеркаванне 726 млн доз вакцын, атрыманых у 154 краінах.

На долю Злучаных Штатаў, паводле падлікаў Bloomberg, выпадае 24% усіх вырабленых у свеце вакцын. Пры гэтым у ЗША пражываюць 4,3% насельніцтва Зямлі. У Пакістане пражываюць 2,7% насельніцтва планеты, але доля гэтай дзяржавы ў глабальнай вакцынацыі складае толькі 0,1%.

Такое размеркаванне вакцын з'яўляецца вынікам таго, што багатыя краіны загадзя закупілі мільярды вырабленых і планаваных да вытворчасці доз прэпарата для задавальнення ў першую чаргу патрэбаў сваіх жыхароў. Гэтых запасаў, з улікам новых паставак, хопіць для правядзення некалькіх кампаній па вакцынацыі жыхароў названых краін, у той час як 11% самых бедных дзяржаў не валодаюць магчымасцямі для правядзення нават адной.

Амаль у палове краін свету, прышчэпкі ад COVID-19 зроблены менш за 1% іх жыхароў, а тыя ж ЗША плануюць у бліжэйшыя тры месяцы выйсці на паказчык вакцынацыі насельніцтва ў 75%. Кантраст у вельмі непрапарцыйным размеркаванні вакцын у свеце з'яўляецца, верагодна, яшчэ больш моцным, калі ўлічыць, што больш за 40 дзяржаў наогул не маюць даных аб вакцынацыі, пры гэтым там пражываюць 8% насельніцтва планеты.

Выбар рэдакцыі

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Грамадства

Спытайце пра радзіннае. Як раней адзначалі Радаўніцу?

Спытайце пра радзіннае. Як раней адзначалі Радаўніцу?

На пытанне чытача адказваюць Янка Крук і Аксана Катовіч.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.