Вы тут

На Аўгустоўскім канале з'явіцца яшчэ адно судна для прагулак па вадзе


У нядзелю афіцыйна стартуе новы сезон на Аўгустоўскім канале. Першыя рэйсы ўжо чакае прышвартаваны на шлюзе «Дамброўка» цеплаход «Нёман». На бліжэйшыя красавіцкія выхадныя запланавана некалькі групавых паездак.


Якім будзе наплыў турыстаў сёлета, пакуль застаецца загадкай. Справа ў тым, што свае карэктывы ўнесла пандэмія каранавіруса, якая моцна і надоўга закрыла межы для турыстаў. Тым не менш, эксперты даюць пазітыўныя прагнозы — на Гродзеншчыне ёсць чаму здзівіцца айчыннаму падарожніку.

На прадпрыемстве «Гроднамеліявадгас» паведамілі, што ў 2018–2019 гадах цеплаход пачынаў курсіраваць па Аўгустоўскім канале ўжо ў сакавіку, то ў 2020 годзе з-за пандэміі каранавіруса практычна не ўдалося дачакацца падарожнікаў.

Да слова, каб вывесці цеплаход «Нёман» на маршрут, трэба як мінімум 20 чалавек — тады кошт білета будзе прымальны, бо гадзіна арэнды каштуе 380 рублёў. Звычайна на борт падымаецца 40–50 пасажыраў.

— Індывідуальныя турысты часцей за ўсё прыязджаюць на шлюз «Дамброўка» ў выхадныя дні — суботу і нядзелю, калі пацяплее. Для гэтага мы браніруем спецыяльныя гадзіны, калі цеплаход «Нёман» здзяйсняе адзін-два рэйсы з 13:00 да 16:00 па прыватных заяўках. Гэта зроблена спецыяльна, каб наведвальнікі канала маглі адправіцца на прагулку па вадзе, купіўшы квіток на месцы, — тлумачыць генеральны дырэктар прадпрыемства Барыс БАГДАНЕЦ.

Летась была спроба праводзіць зборныя групы, але неўзабаве такая патрэба можа адпасці. У перспектыве — набыццё яшчэ аднаго судна для катання па Аўгустоўскім канале.

Невялікі водны катамаран будзе змяшчаць больш за дваццаць чалавек і прыбудзе на Гродзеншчыну ў маі або чэрвені бягучага года.

— Новае кампактнае судна вырабляюць ва Украіне. Яго невялікая ёмістасць дазволіць не прывязваць індывідуальных турыстаў да арганізаваных груп, паколькі здзяйсняць прагулкі можна будзе ўсім ахвотным у колькасці да дзесяці чалавек.

Нагадаем, што Аўгустоўскі канал — гэта адкрытая тэрыторыя, якую можа наведаць кожны жадаючы ў любы час. Тут можна пакатацца на ровары, адпачыць на прыродзе, сфатаграфавацца, а галоўнае ўбачыць старадаўнія суднаходныя шлюзы, пабудаваныя задоўга да пачатку Першай сусветнай вайны.

Аліса СКІБА

Фота: trofei.by, s13.ru

Выбар рэдакцыі

Эканоміка

Калі крэдыт патрэбен як паветра. У гэтым пытанні шмат падводных камянёў

Калі крэдыт патрэбен як паветра. У гэтым пытанні шмат падводных камянёў

Зрабіць тэрміновы рамонт, купіць добры халадзільнік замест старога, набыць новую мэблю — планы, знаёмыя многім.

Культура

Уладзімір Мазго: «Маладзечанскі фестываль натхніў мяне на стварэнне новых песень»

Уладзімір Мазго: «Маладзечанскі фестываль натхніў мяне на стварэнне новых песень»

Калі проза — невычэрпная велічная рака, то паэзія — бурлівы неўтаймоўны вадаспад з безліччу гуллівых пырскаў-эмоцый.

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.