Вы тут

Бухгалтар з Ліды выкрадала грошы з рахункаў прадпрыемстваў


У Лідзе бухгалтар некалькі разоў выкрадала грошы з рахункаў арганізацый, у якіх працавала. Пра гэта паведамілі ў АБЭЗ Лідскага РАУС.


У лютым 2021 года ў поле зроку супрацоўнікаў АБЭЗ трапіла галоўны бухгалтар аднаго з прадпрыемстваў Ліды. Жанчына з ліпеня 2018 года па студзень 2019-га скрала з рахунку Br23 тыс. Уласнік арганізацыі вырашыла, што ў выпадку звальнення галоўбуха пазбавіцца гэтых грошай, таму супрацоўніцу пакінулі на працоўным месцы, а выкрадзеную суму вылічвалі з заробку часткамі.

Зрэшты, прадпрыемству не ўдалося вярнуць сродкі. Высветлілася, што бухгалтар з ліпеня 2020 года па лютым 2021-га прысвойвала наяўную выручку ад рэалізацыі тавараў, якую штодня перадавалі касіры для ўнясення на банкаўскі рахунак. Сума выкрадзенага ў выніку ўзрасла да Br42 тыс.

У лютым АБЭЗ Лідскага РАУС ініцыяваў праверку па гэтым факце. Галоўны бухгалтар прызнала факт крадзяжу. Яна аператыўна пакрыла шкоду ў поўным аб'ёме. Гэта зацікавіла супрацоўнікаў АБЭЗ. Яны праверылі крыніцу даходаў лідчанкі. Высветлілася, што ў сакавіку жанчына ўладкавалася галоўбухам на іншае прадпрыемства Ліды. Неўзабаве яна пералічыла з рахунку прадпрыемства на свой асабісты рахунак 12 тыс. еўра.

Па дадзеным факце Лідскім РАСК была заведзена крымінальная справа па ч.4 арт.210 (крадзеж шляхам злоўжывання службовымі паўнамоцтвамі) КК.

Выбар рэдакцыі

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Грамадства

Спытайце пра радзіннае. Як раней адзначалі Радаўніцу?

Спытайце пра радзіннае. Як раней адзначалі Радаўніцу?

На пытанне чытача адказваюць Янка Крук і Аксана Катовіч.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.