Вы тут

БАТЭ і ЮНІСЕФ сталі партнёрамі


Футбольны клуб БАТЭ і Дзіцячы фонд ААН (ЮНІСЕФ) у Беларусі падпісалі мемарандум аб супрацоўніцтве.


Фота: ФК БАТЭ.

Як сапраўды народны, футбольны клуб БАТЭ мае шырокую аўдыторыю аматараў розных узростаў. Папулярнасць футбола як каманднай гульні, аўтарытэт спартсменаў могуць служыць для дзяцей прыкладам здаровага спосабу жыцця і садзейнічаць развіццю пазітыўных звычак і мадэляў паводзін. Выкарыстоўваючы экспертызу ЮНІСЕФ, у клубе разлічваюць зрабіць наведванне футбольных матчаў яшчэ больш дружалюбным для дзяцей і падлеткаў. Дзве арганізацыі плануюць развіць пазітыўную культуру падтрымкі спартсменаў на трыбунах «Барысаў-Арэны», стварыць дзіцячую інклюзіўную зону. У планах — арганізаваць сумесныя праекты па зборы сродкаў для праграмы «Сям'я кожнаму дзіцяці», якая дапамагае дзецям з інваліднасцю аднавіць кантакт з біялагічнымі бацькамі ці знайсці прыёмную сям'ю.

На працягу 2021 года БАТЭ прадставіць некалькі лотаў, сярод якіх — магчымасць паўдзельнічаць у трэніроўцы каманды. Інфармацыя аб іх будзе размешчана ў сацыяльных сетках клуба і ЮНІСЕФ у Беларусі.

«Мы рады супрацоўнічаць з ЮНІСЕФ у Беларусі, які падтрымліваюць многія вядомыя спартыўныя клубы па розных відах спорту ва ўсім свеце. Нашае партнёрства — магчымасць стаць часткай гэтага глабальнага руху для развіцця патэнцыялу дзяцей і падлеткаў праз спорт. Партнёрства з ЮНІСЕФ у Беларусі дазволіць нам умацаваць работу клуба з сямейнай аўдыторыяй, дзецьмі і падлеткамі. Тым самым мы падкрэслім, што спорт адкрыты і даступны для ўсіх», — падкрэсліла намеснік генеральнага дырэктара па маркетынгу ФК БАТЭ Алеся Кацярыніч.

«Любы спорт — гэта гульня. Менавіта гуляючы, дзеці развіваюцца — фізічна, эмацыянальна, інтэлектуальна. Спорт можа змяніць жыццё дзяцей. Праз узаемадзеянне з легендарным ФК БАТЭ мы будзем працаваць над тым, каб спорт стаў больш даступным, інклюзіўным, бяспечным, абараняючы правы кожнага дзіцяці», — адзначыла прадстаўнік ЮНІСЕФ у Беларусі Таня Радачай.

Пасля цырымоніі падпісання мемарандума прадстаўнікі дзвюх арганізацый, а таксама гульцы клуба Андрэй Кудравец і Сямён Лазарчык наведалі Барысаўскі радзільны дом, каб уручыць падарункі ад клуба і пінеткі, якія ўвесь год будуць дарыць нованароджаным. Такі знак увагі падкрэслівае клопат БАТЭ і ЮНІСЕФ пра дзяцей і сімвалізуе зараджэнне новага партнёрства ў 2021 годзе.

У прадстаўніцтве ЮНІСЕФ у Беларусі нагадалі, што Барысаў, дзе працуе футбольны клуб БАТЭ, носіць статус горада, дружалюбнага дзецям і падлеткам.

Валерыя СЦЯЦКО

Выбар рэдакцыі

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Грамадства

Спытайце пра радзіннае. Як раней адзначалі Радаўніцу?

Спытайце пра радзіннае. Як раней адзначалі Радаўніцу?

На пытанне чытача адказваюць Янка Крук і Аксана Катовіч.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.