У Беларусі ўведзена часовая санітарная мера па забароне ўвозу і звароту асобных найменняў парфюмерна-касметычнай прадукцыі гандлёвага знака Nivea. Пра гэта БелТА паведамілі ў прэс-службе Міністэрства аховы здароўя.
Гэту пастанову падпісаў 6 красавіка намеснік міністра — галоўны дзяржаўны санітарны ўрач Аляксандр Тарасенка.
Спецыялісты санітарна-эпідэміялагічнай службы выявілі шэраг парушэнняў, якія тычацца ў тым ліку продажу такой прадукцыі без дакументаў, якія пацвярджаюць якасць і бяспеку, невыканання яе тэрміна прыдатнасці і адсутнасці з боку суб’ектаў гаспадарання вытворчага кантролю ў дачыненні да рэалізуемай парфумерна-касметычнай прадукцыі.
Па асобных найменнях ўстаноўлена неадпаведнасць патрабаванням тэхнічнага рэгламенту Мытнага саюза «Аб бяспецы парфумерна-касметычнай прадукцыі» ў плане маркіроўкі. У прыватнасці, яна не мае інфармацыі аб найменні і месцы знаходжання арганiзацыi, якая ўпаўнаважаная вытворцам на прыняцце прэтэнзій ад спажыўца, альбо назва прадукцыі не адпавядае яе інгрэдыентнаму саставу, што не дазваляе ў поўнай меры забяспечыць абарону правоў спажыўцоў і атрымаць праўдзівую інфармацыю аб набываным тавары.
У агульнай складанасці санітарна-эпідэміялагічнай службай Беларусі прыпыненая (забароненая) рэалізацыя амаль 3 тыс. адзінак тавару парфумерна-касметычнай прадукцыі розных вытворцаў.
У прэс-службе Міністэрства аховы здароўя нагадалі, што спецыялісты на пастаяннай аснове праводзяць наглядныя мерапрыемствы за выкананнем патрабаванняў заканадаўства ў галіне санітарна-эпідэміялагічнага дабрабыту насельніцтва пры рэалізацыі ў гандлёвай сетцы парфумерна-касметычнай прадукцыі.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.