Вы тут

Біёлагі зафіксавалі распаўсюджванне нетыповага для Беларусі шкодніка дэкаратыўных раслін


Вучоныя з БДУ і БрДУ імя А. С. Пушкіна зафіксавалі распаўсюджанне нетыповага для Беларусі шкодніка — самшытавай агнёўкі. Гэта матылёк сярэдніх памераў серабрыста-белага колеру з карычнева-чорнай аблямоўкай па краях крылаў. Небяспеку для раслін уяўляюць яго вусні, якія сілкуюцца маладымі лісцем і сцяблом самшыта вечназялёнага.


Упершыню казурку знайшлі ў 2019 годзе ў Камянецкім раёне мясцовыя жыхары. У 2020 годзе Алег Сінчук (БДУ) і Аляксандр Колбас (БрДУ) выявілі агнёўку ў гарадскім парку Брэста і зафіксавалі яе распаўсюджванне па ўсёй тэрыторыі абласнога цэнтра. Беларускія даследчыкі лічаць, што ў гэтым годзе пры захаванні цёплага надвор’я з мая па кастрычнік казурка можа даць да трох пакаленняў. Гэта прывядзе да пашкоджання вялікай колькасці самшыта ў Беларусі і запатрабуе значнага павелічэння мерапрыемстваў па барацьбе з агнёўкай або поўнай адмовы ад выкарыстання гэтай расліны пры азеляненні плошчаў.

Па меркаванні біёлагаў, шкоднік трапіў у Беларусь шляхам натуральнага перамяшчэння з Польшчы. Распаўсюджванне казуркі па Еўропе пачалося з 2006 года. Тады шкоднік быў знойдзены ў Германіі. А радзімай агнёўкі з’яўляецца Усходняя Азія. Папуляцыя казуркі характэрная ў першую чаргу для Кітая, Індыі, Японіі, Карэі і Далёкага Усходу Расіі. Колькасць казуркі ў гэтых краінах рэгулюецца натуральнымі ворагамі — энтамафагамі і паразітамі. З-за іх адсутнасці ў еўрапейскім рэгіёне, у тым ліку і ў Беларусі, наяўнасць агнёўкі вельмі небяспечная для самшыта.

На дадзеным этапе беларускія навукоўцы прапануюць змагацца з насякомым традыцыйнымі сродкамі па абароне раслін ад шкоднікаў. Апрацоўваць самшыт трэба на стадыі фарміравання вусня. Кукалкі і матылі менш успрымальныя да прэпаратаў, таму дарослых асобін збіраюць уручную і знішчаюць. Здаровыя расліны не патрабуюць прафілактычнай абароны.

Беларускія вучоныя плануюць адсочваць сітуацыю па распаўсюджванні шкодніка. Прагназуецца павелічэнне яго колькасці па паўднёва-заходняй частцы Беларусі і пашкоджанне іншых відаў дэкаратыўных раслін.

Надзея НІКАЛАЕВА

Выбар рэдакцыі

Грамадства

Экалагічна і эканамічна: як жыць па прынцыпе «Нуль адходаў»?

Экалагічна і эканамічна: як жыць па прынцыпе «Нуль адходаў»?

Гэта прынцыпы, накіраваныя на зніжэнне колькасці смецця і захаванне рэсурсаў планеты.

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Эканоміка

Больш за палову аўтамабільнага рынку планеты стане электрычным ужо праз пяць гадоў

Больш за палову аўтамабільнага рынку планеты стане электрычным ужо праз пяць гадоў

А наша краіна разлічвае, што праз чатыры гады кожная 20 машына будзе электракарам.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.