Вы тут

«Міны» запаволенага дзеяння ў нашых кватэрах і не толькі


...Раніцай 22 сакавіка ў 7 гадзін 30 хвілін ратавальнікам Ельска паступіла паведамленне аб пажары ў кватэры ў адным з трохпавярховых жылых дамоў. Прафесіяналы хутка прымчаліся на месца выкліку і адразу ж заўважылі моцнае задымленне кватэры на першым паверсе. У хлопцаў з пажарнай каманды выразна, да аўтаматызму адпрацаваны ўсе дзеянні пры любой надзвычайнай сітуацыі. І цяпер перш за ўсё праводзілася разведка пакоя, які гарэў, каб, калі спатрэбіцца, ратаваць жыцці людзей. На жаль, без ахвяр не абышлося — на ложку было знойдзена абгарэлае цела гаспадыні кватэры. Жанчына пенсійнага ўзросту жыла адна.


З агнём ратавальнікі, вядома ж, справіліся вельмі хутка, а вось чалавечае жыццё вярнуць ужо нельга. Разгляданая версія прычыны пажару — парушэнне правілаў эксплуатацыі электрасетак і электраабсталявання. Сляды трагедыі вядуць да насценнага бра.

...Кароткае замыканне электраправодкі — магчыма, гэта і стала прычынай пажару бытавога вагончыка ў Гродне. Позна вечарам 22 сакавіка жыхары дома насупраць бытоўкі звярнулі ўвагу на дым і полымя. Ратавальнікі, якія прыбылі на месца здарэння, адчынілі дзверы, правялі разведку і пераканаліся, што ўнутры няма людзей. У лічаныя хвіліны агонь быў ліквідаваны.

...І зноў кароткае замыканне — версія прычыны пажару, які здарыўся ў сакавіку ў сталічнай кватэры па вуліцы Убарэвіча. Двухпакаёвая кватэра знаходзіцца на чацвёртым паверсе пяціпавярховага дома. У адным з пакояў агонь знішчыў маёмасць, а ў суседнім ратавальнікі знайшлі на падлозе нежывое цела гаспадыні кватэры.

Часта, купіўшы які-небудзь электрапрыбор, мы не вельмі паглыбляемся ў інструкцыю па яго эксплуатацыі. Гэта — пасля, калі ўжо нешта здарылася і мы хочам высветліць прычыну... Варта паступіць наадварот: перад выкарыстаннем уважліва вывучыць інструкцыю і выконваць усе прыведзеныя ў ёй правілы. Асабліва гэта датычыцца тэрміну эксплуатацыі — перыяду, на працягу якога тэхніка можа эксплуатавацца па прызначэнні. Калі рэальны тэрмін эксплуатацыі нашай бытавой тэхнікі перавышае дазволены інструкцыяй у разы, то ў выпадку пажару вінаваціць застаецца толькі сябе. Часта старыя халадзільнікі, тэлевізары і іншыя прадметы становяцца для іх уладальнікаў «мінай» запаволенага дзеяння. Многія выкарыстоўваюць бытавую тэхніку, як той казаў, да апошняга. А пасля пакупкі новага тэлевізара або халадзільніка, як правіла, старыя «сябры» пераязджаюць на дачу, у вёску і да т. п., дзе зноў жа становяцца крыніцай небяспекі.

Сучаснаму чалавеку цяжка ўявіць сваё жыццё без камп'ютара, прынтара, сотавага тэлефона і г. д. Камфортна і зручна карыстацца электрычным чайнікам, мікрахвалёўкай ці тостарам. Аднак пры гэтым многія забываюць элементарныя правілы. Падумайце, сыходзячы з дому, якія электрычныя прыборы засталіся ў вас уключаныя ў разеткі і ці ёсць неабходнасць пакідаць іх у рэжыме чакання без вашай прысутнасці. Ніхто не можа прадбачыць, як павядзе сябе тая ці іншая прылада пасля перабояў з электрычнасцю або рэзкіх скачкоў напружання. Вядома, халадзільнік у нас уключаны заўсёды, а вось электрычны чайнік, тэлевізар, мікрахвалёўку і многія іншыя электрапрыборы няма неабходнасці пакідаць уключанымі без нагляду.

Смартфоны, планшэты, мабільныя тэлефоны і шэраг іншых прылад зараджаюцца ад электрычнай сеткі. Многія пакідаюць тэлефон на зарадцы на ўсю ноч. Але ці ўпэўненыя вы, што праводка ў доме абароненая ад скачкоў напружання і збояў? Вы дакладна ведаеце, што ваш гаджэт не грэецца падчас падзарадкі? Не задавайцеся пытаннямі і не рызыкуйце, а толькі выконвайце простыя правілы бяспекі: не забывайце вымаць падзарадную прыладу з разеткі.

У веснавы і восеньскі перыяд, калі ацяпленне ўжо адключана або яшчэ не ўключана, мы карыстаемся абагравальнікамі, якія таксама пакідаем уключанымі на ноч, ці яшчэ «круцей» — выкарыстоўваем іх для сушкі рэчаў. Нехта карыстаецца нават самаробнымі падаўжальнікамі, электранагравальнымі прыборамі.

Ці варта здзіўляцца, што электрападаўжальнік стаў прычынай здарэння ў сталічнай краме па вуліцы Семянякі? Ратавальнікі, якія прыбылі на месца выкліку, выявілі ўзгаранне ў цокальным паверсе шаснаццаціпавярховага жылога дома. Агнём было знішчана халадзільнае абсталяванне. Але дзякуючы зладжаным дзеянням ратавальнікаў эвакуацыя людзей не спатрэбілася, ніхто не пацярпеў.

Лёгкасць у выкарыстанні і зручнасць — асноўныя вартасці сучасных электрычных прыбораў. Аднак служаць яны на радасць людзям, як правіла, да таго часу, пакуль выконваюцца правілы бяспекі і ўсе рэкамендацыі, указаныя ў інструкцыі. Атрымліваючы асалоду ад камфорту, не варта забываць разумныя меры засцярогі...

Марына ВАСІЛЕЎСКАЯ, галоўны спецыяліст Рэспубліканскага цэнтра прапаганды МНС

Выбар рэдакцыі

Грамадства

7 вершаў, напісаных на франтах Вялікай Айчыннай

7 вершаў, напісаных на франтах Вялікай Айчыннай

«І на кожным кургане, быццам яблыню, песню сваю пасаджу»

У свеце

Куды разбегліся нацысты пасля Вялікай Айчыннай вайны?

Куды разбегліся нацысты пасля Вялікай Айчыннай вайны?

Вялікая Айчынная скончылася 76 гадоў таму, але дагэтуль па ўсім свеце ўсё яшчэ знаходзяць і судзяць непакараных нацыстаў. 

Спорт

Аляксей Талай: Я сабе паблажак не даю

Аляксей Талай: Я сабе паблажак не даю

Чорны пояс па таэквандо і светлы шлях па жыцці плыўца-параалімпійца.