Ён будзе доўжыцца да 21 кастрычніка і запрашае да ўдзелу працуючых юнакоў і дзяўчат. Праект праводзіцца з мэтай папулярызацыі сучасных прафесій і працоўных спецыяльнасцяў, павышэння іміджу і прэстыжу прафесій у сферы сельскай гаспадаркі, фарміравання ў гарадской і сельскай моладзі станоўчых эмацыйных адносін да працоўнай дзейнасці праз інтэрнэт-рэсурсы, паведамілі ў Віцебскім абласным камітэце БРСМ.
Удзельнікам прапануецца зрабіць сэлфі на фоне свайго працоўнага месца або запісаць кароткае сэлфівідэа з апісаннем работы (на фоне лагатыпа прадпрыемствы, працы ў полі, дзяржаўнай установе адукацыі, у станка на заводзе, каля аўтамабіля і г.д). Фота ці відэа размяшчаюцца ў асабістых акаўнтах сацыяльных сетак з выкарыстаннем хэштэгаў #БРСМВО; #SelfieПРАЦА, у посце трэба напісаць кароткі каментарый з указаннем месца, дзе зроблена фота/відэа, сваю спецыяльнасць.
Удзел у праекце азначае згоду аўтара на наступнае выкарыстанне работы з указаннем яго імя. Удзельнік павінен быць яе адзіным праваўладальнікам.
Падвядзенне вынікаў пройдзе з 21 кастрычніка па 23 лістапада. Пераможцам праекта стане той удзельнік, які набярэ найбольшую колькасць лайкаў. Каб пазбегнуць накруткі галасоў, улічваюцца толькі лайкі ўдзельнікаў акаўнта ў Instagram @brsmvo.
Сяргей РАСОЛЬКА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».