Банк БелВЭБ з 14 красавіка 2021 года аднавіў крэдытаванне па праграме «Дружная будоўля» на будаўніцтва (набыццё) жылых памяшканняў у арганізацый-партнёраў банка, паведамляецца на сайце грашова-крэдытнай арганізацыі.
Крэдыт прадастаўляецца на фінансаванне куплі новага жылля ў шматкватэрных дамах у Мінску і рэгіёнах і для праектавання і будаўніцтва індывідуальных жылых дамоў.
Тэрмін крэдытавання — 5 і 7 гадоў у залежнасці ад кампаніі-партнёра.
Банк фінансуе набыццё нерухомасці на суму, якая не перавышае 80% ад кошту аб’екта, з магчымасцю адтэрміноўкі пагашэння асноўнага доўгу. Мінімальная сума крэдыту — 5 тыс. рублёў, максімальная — у межах крэдытаздольнасці пакупніка, але не больш за 80% ад кошту аб’екта нерухомасці.
Пры крэдытаванні да 60% кошту аб’екта нерухомасці уключна пры суме крэдыту да 30 тыс. рублёў спатрэбіцца даручальніцтва двух асоб, больш за 30 тыс. рублёў — даручальніцтва двух асоб або заклад набываемай нерухомасці.
Пры крэдытаванні звыш 60% кошту аб’екта нерухомасці — даручальніцтва не менш за двух фізічных асоб і заклад пабудаванай (набытай) за кошт крэдытных сродкаў нерухомасці.
Працэнтная стаўка па крэдыце залежыць ад стаўкі рэфінансавання Нацыянальнага банка Рэспублікі Беларусь і зараз складае 16,37% гадавых. Плацяжы па крэдыце дыферэнцыраваныя, то-бок памяншаюцца на працягу ўсяго тэрміну крэдытавання. Да прыкладу, пры афармленні крэдыту на суму 100 тыс. рублёў тэрмінам на 7 гадоў максімальны плацёж складзе каля 2 550 рублёў.
Лімітавы ўзрост пазычальніка — 55 гадоў на дату прадстаўлення заяўнікам дакументаў, бесперапынны стаж на апошнім месцы працы — не менш за 6 месяцаў на дату прадастаўлення заяўнікам дакументаў. Больш падрабязна пра ўмовы крэдытавання і неабходныя дакументы можна паглядзець на сайце банка.
Аформіць крэдыт можна ў любым сэрвісным офісе Белзнешэканамбанка. Разгляд поўнага пакета дакументаў ажыццяўляецца на працягу 3 рабочых дзён.
Прэв'ю: Яндэкс.Карты
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!