На наступным тыдні 23 красавіка споўніцца 135 гадоў з дня нараджэння беларускага класіка Змітрака Бядулі (Самуіла Яфімавіча Плаўніка). Да юбілею пісьменніка, мовазнаўца ў эфіры сацыякультурнага тэлеканала яго жыццёвы і творчы шлях згадаюць у праграме «Запіскі на палях».
Сапраўднай класікай у гісторыі беларускай літаратуры сталі апавяданні Змітрака Бядулі, якія кожны з нас ведае са школы, такія як «Пяць лыжак заціркі» (1912), «Малыя дрывасекі» (1914), «На каляды да сына» (1913), «Велікодныя яйкі» (1913), «Летапісцы» (1914). Яны ў свой час увайшлі ў першую кнігу апавяданняў будучага класіка «На зачараваных гонях». У гэтых творах пісьменнік малюе тагачаснае цяжкае вясковае жыццё, часта без надзеі на будучыню. Героі многіх апавяданняў — дзеці, якія галадаюць, не маюць магчымасці развіваць свае здольнасці, паміраюць... А вось з чаго пачыналася яго творчасць, як прыйшло прызнанне і ўменне гаварыць так, каб цябе пачулі, гледачы змогуць даведацца з аповеду стваральнікаў праекта «Запіскі на палях». А таксама ўбачым, у якіх творах і ў якім выглядзе жыццё пісьменніка, яго перакананні, мары і ідэалы засталіся жыць у шматлікіх творах Змітрака Бядулі.
Алена ДРАПКО
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.