Вы тут

Спачатку дажджы і навальніцы...


Заўтра надвор'е ў нашай краіне будуць вызначаць атмасферныя франты ад цыклону з цэнтрам над поўначчу Украіны, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды. Захаваецца шмат аблокаў. На большай частцы тэрыторыі краіны пройдуць дажджы, удзень у асобных раёнах магчымы навальніцы.


pixabay.com

І ў суботу захаваецца ўплыў атмасферных франтоў. Чакаецца воблачна з праясненнямі. Уначы месцамі, а ўдзень на большай частцы тэрыторыі краіны пройдуць кароткачасовыя дажджы, у дзённыя гадзіны ў асобных раёнах магчымы навальніцы. Уначы і раніцай месцамі будзе слабы туман. Вецер паўночнай чвэрці ўмераны. Тэмпература паветра ўначы будзе ад плюс 3 градусаў да 8 цяпла, удзень — плюс 10—16 градусаў вышэй за нуль.

Трошкі зменіцца характар надвор'я ў нядзелю, калі атмасферны ціск пачне расці і франтальны раздзел будзе губляць сваю актыўнасць. Аблокаў і дажджоў стане менш. Месцамі, у асноўным па паўднёвай частцы краіны, пройдуць кароткачасовыя дажджы, у дзённыя гадзіны ў асобных раёнах магчымы навальніцы. Уначы і раніцай у паўднёвых раёнах прагназуецца слабы туман. Вецер будзе паўночна-заходні ўмераны. Тэмпература паветра ўначы чакаецца ад плюс 2 градусаў да 8 цяпла. Удзень паветра прагрэецца да 12—18 цяпла.

Паводле доўгатэрміновых прагнозаў айчынных сіноптыкаў, у пачатку наступнага тыдня надвор'е ў краіне будзе вызначаць вобласць павышанага атмасфернага ціску. У панядзелак пераважна без ападкаў. Вецер чакаецца ўсходні, паўночна-ўсходні ўмераны. Тэмпература паветра ўначы будзе плюс 2—8 цяпла, а ўдзень — ад плюс 12 градусаў да 17 градусаў. Сіноптыкі паведамляюць, што сонечна, а значыць, без ападкаў, будзе і ў аўторак. У гэты дзень вецер чакаецца паўночна-заходні, паўночны ўмераны. Тэмпература паветра ўначы застанецца ў раёне 2—8 цяпла. Удзень паветра прагрэецца ад плюс 10 да плюс 16 градусаў. Такі тэмпературны фон будзе блізкі да шматгадовых значэнняў. Хутка май.

Сяргей КУРКАЧ

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.