Вы тут

ТЦСАН выканалі 7,2 тысячы заявак па дастаўцы прадуктаў харчавання


З пачатку гэтага года тэрытарыяльнымі цэнтрамі сацыяльнага абслугоўвання выканана 7,2 тысячы заявак па дастаўцы прадуктаў харчавання, прадметаў першай неабходнасці і лекаў, паведамілі ў Міністэрстве працы і сацыяльнай абароны.


Усяго за час правядзення кампаніі па падтрымцы пажылых грамадзян і інвалідаў у перыяд складанай эпідэмічнай абстаноўкі, пачынаючы з 20 сакавіка 2020 года, тэрытарыяльнымі цэнтрамі выканана больш за 47,5 тысячы заявак.

Дарэчы, заяўкі на дастаўку прадуктаў, прадметаў першай неабходнасці і медыкаментаў тэрытарыяльныя цэнтры прымаюць штодня з 8 да 17 гадзін (па буднях). Для арганізацыі аператыўнай дастаўкі на дапамогу сацыяльным работнікам прыйшлі валанцёры БРСМ і Чырвонага Крыжа.

Такія і іншыя паслугі аказваюць 146 тэрытарыяльных цэнтраў сацыяльнага абслугоўвання насельніцтва, дзе працуе 20 тысяч чалавек, з іх 11,5 тысячы — сацыяльныя работнікі.

На сістэмнай аснове комплексныя сацыяльныя паслугі дома атрымліваюць 97 тысяч непрацаздольных грамадзян. У асноўным гэта людзі, старэйшыя за 75 гадоў. Сацыяльныя работнікі наведваюць пажылых грамадзян 2-4 разы на тыдзень у залежнасці ад патрэбы.

Сацыяльныя паслугі ўключаюць прыборку памяшканняў, гатаванне ежы, дапамогу ў санітарна-гігіенічных працэдурах, дастаўку прадуктаў харчавання, прадметаў першай неабходнасці і лекаў, аплату камунальных паслуг і іншае. Дадаткова ў сельскай мясцовасці — распальванне печы, дастаўку вады, прыборку прыдамовай тэрыторыі.

Пры аказанні сацыяльных паслуг і дастаўцы прадуктаў сацыяльныя работнікі і валанцёры выконваюць неабходныя супрацьэпідэмічныя меры, выкарыстоўваюць сродкі індывідуальнай аховы.

Наталля ТАЛІВІНСКАЯ

Прэв'ю: pixabay.com

Загаловак у газеце: Да парога і далей

Выбар рэдакцыі

Эканоміка

Калі крэдыт патрэбен як паветра. У гэтым пытанні шмат падводных камянёў

Калі крэдыт патрэбен як паветра. У гэтым пытанні шмат падводных камянёў

Зрабіць тэрміновы рамонт, купіць добры халадзільнік замест старога, набыць новую мэблю — планы, знаёмыя многім.

Культура

Уладзімір Мазго: «Маладзечанскі фестываль натхніў мяне на стварэнне новых песень»

Уладзімір Мазго: «Маладзечанскі фестываль натхніў мяне на стварэнне новых песень»

Калі проза — невычэрпная велічная рака, то паэзія — бурлівы неўтаймоўны вадаспад з безліччу гуллівых пырскаў-эмоцый.

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.