Амаль дзесяць гадоў таму малады аграном-насеннявод Сяргей Савановіч, выпускнік Гродзенскага аграрнага ўніверсітэта, быў героем «Звязды». Тады яго партрэт таксама ўпрыгожваў першую паласу нашай газеты: малады спецыяліст адказваў за ўборку на жніве, яго хлебнае поле каля вёскі Лучнікі дало багаты ўраджай. Трэба сказаць, што ААТ «Аграфірма «Лучнікі» Слуцкага раёна заўсёды славілася сваімі хлебаробамі і высокімі ўраджаямі. Цяпер Сяргей Савановіч (на фота ён злева) выконвае абавязкі галоўнага агранома і красавіцкімі днямі праводзіць чарговую сяўбу. У гаспадарцы пасеялі на плошчы семсот гектараў яравыя культуры, засталося пасеяць кукурузу, цукровыя буракі і бульбу. На фота побач з аграномам — адзін з найлепшых трактарыстаў-машыністаў Случчыны Валерый Дубалека, які працуе ў гаспадарцы сорак гадоў і без якога не абыходзіцца ніводная сяўба.
Анатоль КЛЯШЧУК
Фота аўтара
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
