Вы тут

Скарбы беларускай паэзіі адкрылі ў старажытным замку


16 красавіка, у старажытныя муры завіталі слынны паэт Леанід Дранько–Майсюк з новым зборнікам вершаў «Скарб» і Людміла Рублеўская, чыя кніга «Авантуры Вырвіча, Лёдніка і Чорнай Меланхоліі» таксама нядаўна пабачыла свет у выдавецтве «Звязда».


Леанід Дранько-Майсюк правёў сапраўдны займальны ўрок беларускай літаратуры для навучэнцаў Мірскай сярэдняй школы, якія прысутнічалі на сутрэчы. Школьнікі хорам паўтаралі за паэтам радкі вядомых вершаў і засвоілі, што найлепшы спосаб прызнацца дзяўчыне ў каханні — гэта ведаць напамяць беларускую паэзію.

Людміла Рублеўская распавяла пра тое, як у Мірскім замку здымаліся важныя сцэны экранізацыі яе раману «Авантуры Пранціша Вырвіча, шкаляра і шпега», першага з авантурна–прыгодніцкай серыі. Прысутныя змаглі пабачыць трэйлер фільма, а тасама сюжэт пра здзейсненую на кінастудыі «Беларусьфільм» рэканструкцыю танка, прыдуманага Леанарда да Вінчы. Менавіта гэтая машына, якую называюць героі рамана «Жалезнай Чарапахай», дзейнічае і ў кнізе, і ў фільме. Унікальны механізм страляў з гарматаў і ездзіў у двары Мірскага замка, таму мясцовыя жыхары з асаблівым нецярпеннем чакаюць выхаду на экран гістарычнай кінастужкі.

На завяршэнне сустрэчы жадаючыя змаглі набыць кнігі вядомых літаратараў і атрымаць аўтографы.

Лідзія ПЯТРОВА

Выбар рэдакцыі

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Грамадства

Спытайце пра радзіннае. Як раней адзначалі Радаўніцу?

Спытайце пра радзіннае. Як раней адзначалі Радаўніцу?

На пытанне чытача адказваюць Янка Крук і Аксана Катовіч.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.