Вы тут

Карпаў расказаў аб важнасці вакцынацыі ад COVID-19 і аб тым, якім прэпаратам прышчапіўся сам


Галоўны пазаштатны інфекцыяніст Міністэрства аховы здароўя, доктар медыцынскіх навук, прафесар, загадчык кафедры інфекцыйных хвароб БДМУ Ігар Карпаў у эфіры тэлеканала АНТ расказаў аб тым, чаму важна вакцынацыя ад COVID-19 і якой вакцынай прышчапіўся ён сам, паведамляе БЕЛТА.


Доктар Ігар Карпаў вылучыў асаблівасці мерапрыемстваў па масавай вакцынацыі насельніцтва рэспублікі. Гэта тое, што Беларусь даволі рана ўключылася ў працэс выпрабаванняў вакцыны супраць каранавіруса, няхай і з удзелам невялікай групы людзей, а таксама ў працэс вытворчасці ўласнага прэпарату. Таксама сам намер па шырокай вакцынацыі насельніцтва. «Гэта і значная колькасць доз вакцыны, якія павінны выпускацца штомесяц — каля 500 тыс., такая лічба прагучала. Што дасць магчымасць у абмежаваны перыяд часу правесці вакцынацыю», — дадаў ён.

Акрамя медыкаў, настаўнікаў важна, каб на старце гэтых мерапрыемстваў прышчапілася як мага больш пажылых людзей, лічыць Ігар Карпаў. «Гэта далікатная тэма. Да пажылых людзей патрэбны асаблівы падыход, пераканаўчыя размовы. Заўсёды ўзнікае шэраг аргументаў: а што, калі павысіцца тэмпература і г. д. З аднаго боку, сапраўды бывае нейкая рэакцыя, але не цяжкія наступствы. Невялікае і кароткачасовае павышэнне тэмпературы. Але калі ўзнікае захворванне — гэта два-тры тыдні ліхаманкі нават пры спрыяльным цячэнні захворвання», — прывёў контраргументы галоўны пазаштатны інфекцыяніст.

Сам ён прышчапіўся ўжо вакцынай «Спадарожнік V». Пры гэтым і кітайская вакцына, паводле яго слоў, працуе добра, пры гэтым гіпертэрмічныя рэакцыі для яе менш характэрны, чым для «Спадарожнік V». Але расійская — гэта так званая вектарная вакцына, з высокай гарантыяй выпрацоўкі імунітэту (91 працэнт).

Доктар нагадаў аб тым, як у канцы 1980-х гадоў адбыўся збой у вакцынацыі насельніцтва СССР. Вынік нават увайшоў у сусветныя падручнікі ў якасці прыкладу таго, што ад прышчэпкі ад дыфтэрыі нельга адмаўляцца. Толькі вакцынацыя дала потым магчымасць нівеліраваць наступствы. Ігар Карпаў выказаў надзею, што агульныя намаганні дзяржавы, медыкаў і ўсяго насельніцтва ў выпадку з каранавірусам стануць ужо станоўчым прыкладам — як трэба дзейнічаць.

Выбар рэдакцыі

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Грамадства

Спытайце пра радзіннае. Як раней адзначалі Радаўніцу?

Спытайце пра радзіннае. Як раней адзначалі Радаўніцу?

На пытанне чытача адказваюць Янка Крук і Аксана Катовіч.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.