Вы тут

Жыхар Брэсцкай вобласці скраў 20 т яблыкаў


Супрацоўнікамі аддзела крымінальнага вышуку Цэнтральнага РУУС сталіцы затрыманы 29-гадовы мужчына, які скраў 20 т яблыкаў на агульную суму звыш Br19 тыс. Аб гэтым паведамілі ў ГУУС Мінгарвыканкама.


«У міліцыю звярнуўся мінчанін з заявай аб усталяванні асобы і месцазнаходжання вадзіцеля грузавога аўтамабіля, які павінен быў перавезці 20 т яблыкаў з Мінска ў Гомель, аднак ва ўмоўленае месца не прыбыў і перастаў выходзіць на сувязь. Заяўнік распавёў, што папрасіў свайго знаёмага размясціць у інтэрнэце заяўку аб перавозцы тавару па маршруце Мінск — Гомель. Праз некаторы час патэлефанаваў мужчына па імені Арцём, які прапанаваў арганізаваць перавозку па маршруце на яго грузавой аўтамашыне. Сустрэўшыся на тэрыторыі склада, мужчыны загрузілі 20 т яблыкаў ў аўтамабіль, пасля чаго кіроўца з’ехаў, аднак да месца прызначэння не прыбыў, мабільны тэлефон адключыў», — распавялі ў ГУУС.

Супрацоўнікі крымінальнага вышуку ўстанавілі асобу вадзіцеля грузавога аўтамабіля і затрымалі яго. Ім аказаўся 29-гадовы жыхар Брэсцкай вобласці. Высветлілася, што мужчына, выявіўшы ў сацсетках аб’яву аб перавозцы тавару, вырашыў скарыстацца прапановай, а даведаўшыся, што яблыкі будуць перавозіцца без суправаджальных дакументаў, вырашыў іх выкрасці і перапрадаць. У мэтах канспірацыі кіроўца аўтамабіля замяніў рэгістрацыйны знак і стаў выкарыстоўваць сім-карту, набытую ў невядомай асобы ў сацыяльнай сетцы.

Пасля таго як 20 т яблыкаў былі загружаныя ў аўтамашыну, мужчына вывез іх у Маладзечна, дзе рэалізаваў, а грашовыя сродкі пакінуў сабе. Раней да крымінальнай адказнасці затрыманы не прыцягваўся.

Матэрыялы праверкі перададзеныя ў Цэнтральны (Мінска) РАСК, дзе ў дачыненні да 29-гадовага мужчыны распачата крымінальная справа.

Прэв'ю: pixabay.com

Выбар рэдакцыі

Грамадства

Экалагічна і эканамічна: як жыць па прынцыпе «Нуль адходаў»?

Экалагічна і эканамічна: як жыць па прынцыпе «Нуль адходаў»?

Гэта прынцыпы, накіраваныя на зніжэнне колькасці смецця і захаванне рэсурсаў планеты.

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Эканоміка

Больш за палову аўтамабільнага рынку планеты стане электрычным ужо праз пяць гадоў

Больш за палову аўтамабільнага рынку планеты стане электрычным ужо праз пяць гадоў

А наша краіна разлічвае, што праз чатыры гады кожная 20 машына будзе электракарам.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.