У Рэспубліканскім цэнтры алімпійскай падрыхтоўкі па шахматам і шашкам прайшлі чэмпіянаты Беларусі па шашкам-100 сярод жанчын і мужчын.
У фіналах па 12 мацнейшых спартсменаў змагаліся не толькі за чэмпіёнскі тытул і медалі, а і за права гуляць без адбору ў вышэйшым дывізіёне краіны ў 2022 годзе.
Чэмпіёнам краіны стаў 13-гадовы кандыдат у майстры спорту Георгій Выдзерка з Гродна. Ён набраў 19 балаў з 22 магчымых. Георгій перамог у васьмі матчах і яшчэ тры гульні правёў унічыю. Перамога на чэмпіянаце краіну дазволіла юнаму шашысту выканаць нарматыў на атрыманне звання “майстар спорту па шашках-100”. Упершыню ў гісторыі айчынных шашак чэмпіянат Беларусі выйграў 13-гадовы спартсмен.
Сярэбраны прызёр турніру – мінчанін Уладзіслаў Валюк, які набраў 16 балаў. Бронза ў мінчаніна Сяргея Насевіча, у яго актыве 14 балаў.
У спаборніцтвах сярод жанчын чэмпіёнкай Беларусі стала мінчанка Вольга Федаровіч. Міжнародны гросмайстар выйграла нацыянальны чэмпіянат і ў мінулым годзе. Сярэбраны медаль заваявала мінчанка Вікторыя Мікалаева, бронзавы – мінчанка Паліна Петрусёва.
Яўген САЛАНОВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».