Вы тут

Навучальны семінар «Школа падрыхтоўкі кіраўнікоў працоўных калектываў» прайшоў у Полацку


Навучальны семінар «Школа падрыхтоўкі кіраўнікоў працоўных калектываў», арганізаваны Рэспубліканскім штабам студэнцкіх атрадаў БРСМ, прайшоў на базе Полацкага дзяржаўнага ўніверсітэта. Ён адначасова стаў і пляцоўкай для падрыхтоўкі беларускай каманды, сфарміраванай Саюзам моладзі, для ўдзелу ў І Міжнародным будаўнічым чэмпіянаце, што праходзіць у Сочы з 20 да 23 красавіка.


Асноўны этап падрыхтоўкі зводнага будаўнічага студэнцкага атрада адбыўся на базе Полацкага дзяржаўнага ўніверсітэта і буйных прадпрыемстваў Наваполацка.

Дарэчы, у 2020 годзе сіламі ўсіх структур Рэспубліканскага штаба студэнцкіх атрадаў былі працаўладкаваны 24 044 чалавекі ў складзе 1689 студэнцкіх атрадаў. У бягучым годзе плануецца дапамагчы не менш чым 25 тысячы патэнцыяльным байцам.

З 3 сакавіка ва ўстановах адукацыі рэалізоўваецца прамапраект «Выбіраем студатрад!». За гэты час для працы ў студэнцкіх атрадах запісалася рэкордная колькасць маладых людзей — 10 тысяч чалавек. У рамках круглагадовай працоўнай занятасці сёння прыступілі да працы 24 студэнцкія атрады розных профіляў, якія аб'ядналі больш за 400 чалавек.

У трэцім працоўным семестры 2021 года Рэспубліканскі штаб студэнцкіх атрадаў плануе рэалізаваць чатыры буйныя вытворчыя і міжнародныя праекты: гэта Усебеларуская маладзёжная будоўля «Горад маладосці», «Атлант–2021», «Арляня» ў дзіцячым аздараўленчым лагеры «Камсамольскі» на базе Усерасійскага цэнтра «Арляня» сумесна з «Расійскімі студэнцкімі атрадамі», будаўніцтва магістралі М1 (Беларусь) сумесна з «Мабільнымі кадрамі Расіі».

Сяргей РАСОЛЬКА

Выбар рэдакцыі

Здароўе

Як правільна аднаўляцца пасля COVІD-19?

Як правільна аднаўляцца пасля COVІD-19?

Парады на гэты конт дала ўрач-тэрапеўт першай катэгорыі Юлія Кажэўнікава.

Грамадства

Птушка шчасця. Курыца: «фабрычная» або вясковая?

Птушка шчасця. Курыца: «фабрычная» або вясковая?

Курыца — самая папулярная і даступная сёння па цане мясная страва.

Грамадства

У тыле ворага. Да гадавіны выхаду першага падпольнага нумара «Звязды»

У тыле ворага. Да гадавіны выхаду першага падпольнага нумара «Звязды»

Гэта быў беспрэцэдэнтны выпадак у гісторыі беларускага друку!