Вы тут

Стартаваў нацыянальны этап Міжнароднай алімпіяды па крэатыўным праграмаванні сярод школьнікаў Scratch Olympiad 2021


Мерапрыемства праводзіцца з мэтай падтрымкі ініцыятыў навучэнцаў і педагогаў у вывучэнні крэатыўнага праграмавання на візуальнай мове Scratch і ўключэння дзяцей і моладзі ў інавацыйныя інжынерныя праекты. Асноўная задача — стварыць глабальнае кам'юніці дзяцей і іх педагогаў, неабыякавых да перадавых тэхналогій і вынаходніцтва.


У гэтым годзе нацыянальныя адборачныя этапы алімпіяды пройдуць у фармаце завочнага конкурсу па двух дысцыплінах: Scratch і Scratch + ROBBO. Удзельнікі будуць спаборнічаць у стварэнні аніміраваных гісторый, камп'ютарных гульняў, робатаў, віртуальных «разумных» дамоў, а таксама электронных адукацыйных рэсурсаў па вывучэнні візуальнай мовы праграмавання Scratch. Конкурсныя заданні залежаць ад узроставай катэгорыі ўдзельніка і абранай дысцыпліны.

Прыём конкурсных работ скончыцца 5 мая. Сярод іх вызначаць фіналістаў, якія прадставяць Беларусь у верасні ў фармаце «жывых» спаборніцтваў інтэрнацыянальных каманд у Хельсінкі.

У Scratch-алімпіядзе няма гатовых заданняў, формул або дакладных адказаў. Удзельнікі распрацоўваюць арыгінальныя ідэі і праекты. Журы ацэньвае іх унікальнасць, якасць увасаблення, ступень прапрацоўкі, арганізатарскія і камунікатыўныя здольнасці кожнага з членаў каманд.

У рамках спаборніцтваў школьнікі не проста правяраюць свае прадметныя веды ў галіне праграмавання на Scratch, але і вучацца крэатыўнасці, праектнаму мысленню і ўзаемадзеянню ў камандзе, удасканальваюць навыкі працы з інфармацыйнымі тэхналогіямі на прыкладзе рэальных задач, а таксама пераасэнсоўваюць сённяшнія падыходы да вырашэння глабальных сацыяльных і экалагічных праблем.

З больш падрабязнай інфармацыяй пра алімпіяду, дысцыпліны і намінацыі можна азнаёміцца на афіцыйным сайце.

Scratch — гэта адкрытая візуальная мова праграмавання, зразумелая дзецям. З яе дапамогай можна праграмаваць уласныя інтэрактыўныя гісторыі, гульні і анімацыю і дзяліцца сваімі творамі з іншымі прадстаўнікамі інтэрнэт-супольнасці.

Надзея НІКАЛАЕВА

Выбар рэдакцыі

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Грамадства

Спытайце пра радзіннае. Як раней адзначалі Радаўніцу?

Спытайце пра радзіннае. Як раней адзначалі Радаўніцу?

На пытанне чытача адказваюць Янка Крук і Аксана Катовіч.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.