Вы тут

У Мінску адкрыецца выставачны праект «Пакінутая зямля» да 35-годдзя аварыі на Чарнобыльскай АЭС


26 красавіка ў Нацыянальным гістарычным музеі Рэспублікі Беларусь пачынае работу выставачны праект «Пакінутая зямля», прымеркаваны да 35-годдзя аварыі на ЧАЭС. Пра гэта паведамілі на сайце музея.


У 01:23:47 26 красавіка 1986 года на 4-м энергаблоку Чарнобыльскай АЭС у 12 кіламетрах ад паўднёвай мяжы Беларусі адбыўся выбух, які цалкам разбурыў рэактар і стаў найбуйнейшай у гісторыі ядзернай энергетыкі аварыяй.

Пра аварыю, яе наступствы для Беларусі, іх ліквідацыю і дзейнасць па аднаўленні тэрыторыі, пра лёсы людзей, чыё жыццё аказалася звязаным з чарнобыльскай тэмай, на выставе «Пакінутая зямля» раскажуць шматлікія фатаграфіі і архіўныя матэрыялы.

Знаходкі этнаграфічных экспедыцый Інстытута мастацтвазнаўства, этнаграфіі і фальклору Акадэміі навук 1990-х гадоў у рэгіёны, пацярпелыя ад аварыі, прадэманструюць побыт і культуру цяпер не існых вёсак.

На выставе можна пабачыць фатаграфіі флоры і фауны Палескага дзяржаўнага радыяцыйна-экалагічнага запаведніка, які з’яўляецца месцам пражывання рэдкіх і знікаючых відаў.

Таксама на выставе «Пакінутая зямля» будуць прадстаўлены работы мастакоў Георгія Паплаўскага, Віктара Шматава і Сяргея Давідовіча-Зосіна.

 Праект падрыхтаваны сумесна з Беларускім тэлеграфным агенцтвам, Музеем старажытнабеларускай культуры Цэнтра даследаванняў беларускай культуры, мовы і літаратуры НАН Беларусі, Музеем пажарнай і аварыйна-выратавальнай справы МНС Рэспублікі Беларусь, Нацыянальным архівам Рэспублікі Беларусь, Палескім дзяржаўным радыяцыйна-экалагічным запаведнікам.

Выстава «Пакінутая зямля» будзе працаваць па 23 мая 2021 года.

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Казярогам важна на гэтым тыдні скончыць неадкладную справу, якая ўжо даўно не дае спакою.

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.