Вы тут

Амаль 23 т небяспечных адходаў вывезлі з Беларусі за мяжу на ўтылізацыю


Амаль 23 т небяспечных адходаў вывезлі з Беларусі за мяжу на ўтылізацыю. Аб гэтым сёння на прэс-канферэнцыі расказала кіраўнік экалагічнай ініцыятывы «Стварэнне механізма экалагічна бяспечнага абясшкоджвання небяспечных адходаў, што змяшчаюць стойкія арганічныя забруджвальнікі» Аляксандра Баева, паведамляе БЕЛТА.


Далучыўшыся да Стакгольмскай канвенцыі аб стойкіх арганічных забруджвальніках, Беларусь прыняла на сябе абавязацельства да 2028 года поўнасцю абясшкодзіць адходы, якія змяшчаюць поліхлараваныя біфенілы (ПХБ). Чарговы крок на гэтым шляху — рэалізацыя экалагічнай ініцыятывы «Стварэнне механізма экалагічна бяспечнага абясшкоджвання небяспечных адходаў, якія змяшчаюць стойкія арганічныя забруджвальнікі (САЗ)» праекта «Уключэнне грамадскасці ў экалагічны маніторынг і паляпшэнне кіравання аховай навакольнага асяроддзя на мясцовым узроўні», фінансуемага Еўрапейскім саюзам і рэалізуемага Праграмай развіцця ААН у Беларусі ў партнёрстве з Мінпрыроды. Ініцыятыву рэалізавала ўстанова па ахове прыроды «Экалогія без межаў».

«У ходзе рэалізацыі ініцыятывы за межы Беларусі вывезена 22,9 т небяспечных адходаў, якія змяшчаюць стойкія арганічныя забруджвальнікі. Гэта выведзеныя з эксплуатацыі старыя сілавыя кандэнсатары, якія захоўваліся на прадпрыемствах рэспублікі яшчэ з савецкіх часоў. Гэтыя адходы ўтылізаваны на спецзаводзе экалагічна бяспечным спосабам. Такім чынам, у Беларусі ліквідавана яшчэ пяць аб’ектаў часовага захоўвання небяспечных адходаў, размешчаных на тэрыторыі арганізацый — уладальнікаў гэтых адходаў у Гомельскай і Гродзенскай абласцях: ААТ «Рэчыцадрэў», ДП «Беларуснафта-Прамсэрвіс», ЗАТ «Гомельскі вагонабудаўнічы завод», ААТ «Белкард», ААТ «Навагрудскі завод газавай апаратуры», — сказала Аляксандра Баева.

Паводле яе слоў, галоўная мэта ініцыятывы — палепшыць экалагічную абстаноўку і прадухіліць негатыўнае ўздзеянне на здароўе людзей і навакольнае асяроддзе ў праектных рэгіёнах праз стварэнне ўстойлівага механізма па зборы і абясшкоджванні САЗ-змяшчальных адходаў.

У цэлым у рамках ініцыятывы праведзена маштабная работа. У першую чаргу былі арганізаваны ўпакоўка, збор і транспарціроўка САЗ-змяшчальных адходаў з прадпрыемстваў да месца іх абясшкоджвання.

Старыя пашкоджаныя кандэнсатары, якія захоўваліся на прадпрыемствах, былі ўпакаваны ў спецыяльныя кантэйнеры, каб папярэдзіць далейшую ўцечку небяспечных хімікатаў і пазбегнуць забруджвання навакольнага асяроддзя. Затым адходы адправілі на спецыялізаванае прадпрыемства ў Францыю для экалагічна бяспечнага знішчэння. Даволі шмат часу занялі падрыхтоўка і атрыманне розных дазвольных дакументаў і сертыфікатаў. Паколькі для вывазу небяспечных адходаў за мяжу неабходна атрыманне ўзгаднення як краін экспарту і імпарту адходаў, так і ўсіх краін транзіту.

Адным з важных аспектаў рэалізацыі ініцыятывы стала работа па павышэнні ўзроўню інфармаванасці аб правілах бяспечнага абыходжання з небяспечнымі адходамі мясцовага насельніцтва, асабліва дзяцей і моладзі. Для большай інфармаванасці грамадскасці ініцыятывай выдадзены тэматычны буклет і створаны інфармацыйны відэаролік, у якім можна ўбачыць усе этапы работы па падрыхтоўцы і вывазе на ўтылізацыю САЗ-змяшчальных адходаў.

Небяспечныя адходы, якія адносяцца да стойкіх арганічных забруджвальнікаў, з’яўляюцца сур’ёзнай пагрозай для чалавека і экалогіі. САЗ — хімічныя рэчывы, якія характарызуюцца высокай таксічнасцю, схільнасцю да накаплення ў аб’ектах навакольнага асяроддзя і жывых арганізмах. Нават у надзвычай малых канцэнтрацыях САЗ негатыўна ўплываюць на здароўе людзей і навакольнае асяроддзе.

Сёння ў краіне налічваецца 509 арганізацый — уласнікаў ПХБ-змяшчальнага абсталявання (кандэнсатараў і трансфарматараў, якія змяшчаюць поліхлараваныя біфенілы), агульная вага якога складае каля 3 тыс. т.

Прэв'ю: pixabay.com

Выбар рэдакцыі

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.

Палітыка

Вялікая размова с кіраўніком Брэсцкай вобласці пра лёс рэгіёну

Вялікая размова с кіраўніком Брэсцкай вобласці пра лёс рэгіёну

«Асноўная задача — павысіць эфектыўнасць вытворчасці. Для гэтага патрэбна падняць аграрную галіну на больш высокі тэхналагічны ўзровень»

Грамадства

Экалагічна і эканамічна: як жыць па прынцыпе «Нуль адходаў»?

Экалагічна і эканамічна: як жыць па прынцыпе «Нуль адходаў»?

Гэта прынцыпы, накіраваныя на зніжэнне колькасці смецця і захаванне рэсурсаў планеты.

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.