Вы тут

На асноўных мінскіх могілках з'явілася сістэма відэаназірання


Тэрыторыі ўсіх мінскіх могілак прыведзены ў парадак і гатовыя да масавых наведванняў. Пра гэта, як перадае агенцтва «Мінск-Навіны», паведаміў на пасяджэнні рабочай групы Мінгарвыканкама па пытанні ўтрымання і добраўпарадкавання тэрыторый сталіцы дырэктар УП «Спецкамбінат КБА» Мікалай Ракевіч.


Традыцыйна месцы пахавання масава наведваюць на восеньскія Дзяды і вясновую Радаўніцу. Падрыхтоўка да гэтых перыядах ідзе круглы год, нават у зімовы час.

Фота: Мінск-Навіны.

— За зіму мы адрамантавалі амаль 200 кантэйнераў для адходаў, мінулым летам уладкавалі 25 новых кантэйнерных пляцовак з цвёрдым пакрыццём. Гэтыя працы працягнуцца і ў гэтым годзе, запланавана зрабіць яшчэ 30 пляцовак. Падрыхтавана смеццепрыбіральная тэхніка, дадаткова ў 2021-м будзе закуплены яшчэ адзін кантэйнеравоз для вывазу буйнагабарытных ёмістасцяў для адходаў, — распавёў М. Ракевіч.

Ён дадаў, што да гэтага часу акультураны ўсе ўваходныя групы на могілках, адрамантаваны сістэмы водазабеспячэння, грамадскія прыбіральні, прыведзены ў парадак праезды, абноўленыя інфармацыйныя стэнды. У лютым — красавіку праводзіліся суботнікі з удзелам вайскоўцаў, навучэнцаў, якія дапамагалі прыбіраць тэрыторыю ад лістоты, галін, смецця.

М. Ракевіч адзначыў: для зручнасці людзей, якія жадаюць прывесці ў парадак магілы блізкіх, на ўсіх могілках ёсць пункты пракату гаспадарчага інвентара — рыдлёвак, грабель, вёдраў і пр. На шасці буйных могільніках маюцца электронныя тэрміналы, якія дапамогуць пры неабходнасці знайсці па імі і прозвішчы месца пахавання чалавека.

Дырэктар Спецкамбінат КБА дадаў, што за кошт сродкаў прадпрыемства ў канцы мінулага і ў гэтым годзе на асноўных могілках усталяваная сістэма відэаназірання. Колькасць камер будзе павялічвацца. Гэта дапаможа больш эфектыўна кругласутачна кантраляваць грамадскі парадак у месцах пахавання, дзейнасць персаналу, рух транспарту па тэрыторыі і інш.

Выбар рэдакцыі

Здароўе

Як правільна аднаўляцца пасля COVІD-19?

Як правільна аднаўляцца пасля COVІD-19?

Парады на гэты конт дала ўрач-тэрапеўт першай катэгорыі Юлія Кажэўнікава.

Грамадства

Птушка шчасця. Курыца: «фабрычная» або вясковая?

Птушка шчасця. Курыца: «фабрычная» або вясковая?

Курыца — самая папулярная і даступная сёння па цане мясная страва.

Грамадства

У тыле ворага. Да гадавіны выхаду першага падпольнага нумара «Звязды»

У тыле ворага. Да гадавіны выхаду першага падпольнага нумара «Звязды»

Гэта быў беспрэцэдэнтны выпадак у гісторыі беларускага друку!