Вы тут

Больш за 100 беспрацоўных з пачатку года працаўладкаваліся для атрымання вопыту практычнай работы


Адной з паслуг па садзейнічанні ў працаўладкаванні, што прапануецца службай занятасці, з’яўляецца набыццё вопыту практычнай работы: у першым квартале бягучага года такой магчымасцю скарысталіся 108 чалавек. Аб гэтым БЕЛТА паведамілі ў Міністэрстве працы і сацыяльнай абароны.


«Беспрацоўныя такім чынам могуць атрымаць прафесійныя веды, уменні і навыкі практычнай работы ў адпаведнасці з атрыманай прафесіяй (спецыяльнасцю). Гэта робіць іх больш канкурэнтнымі на рынку працы, пашырае магчымасці працаўладкавання», — падкрэслілі ў Мінпрацы і сацабароны.

Са 108 беспрацоўных, якія атрымалі вопыт практычнай работы, больш за ўсё ў Гомельскай вобласці — 35. У Гродзенскай паслугай скарысталіся 19 чалавек, у Брэсцкай — 16, Віцебскай — 12, Магілёўскай — 11, Мінскай — 8, у Мінску — 7.

Такое накіраванне могуць атрымаць беспрацоўныя, зарэгістраваныя ў службе занятасці, з ліку: выпускнікоў устаноў прафтэхадукацыі, сярэдняй спецыяльнай і ВНУ; асоб, якія прайшлі прафпадрыхтоўку або перападрыхтоўку па накіраванні службы занятасці; асоб, якія доўгі час (больш за 12 месяцаў) не працавалі ў сувязі з доглядам дзіцяці ва ўзросце да 3 гадоў, дзіцяці-інваліда ва ўзросце да 18 гадоў, а таксама дзіцяці ва ўзросце да 18 гадоў, інфіцыраванага вірусам імунадэфіцыту чалавека або хворага на СНІД.

Вопыт практычнай работы могуць забяспечыць арганізацыі незалежна ад форм уласнасці, за выключэннем тых, дзейнасць якіх фінансуецца за кошт бюджэтных сродкаў, і ў індывідуальных прадпрымальнікаў.

З беспрацоўным у такім выпадку заключаецца тэрміновы працоўны дагавор на тэрмін ад 2 да 6 месяцаў. А наймальнікам, якія прадастаўляюць працоўныя месцы для працаўладкавання беспрацоўных у мэтах набыцця вопыту практычнай работы, служба занятасці часткова кампенсуе затраты на аплату іх працы.

Прэв'ю: pexels.org

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.