Вы тут

Студэнты БДУ здолелі прабіцца ў фінал чэмпіянату свету па праграмаванні


Каманда факультэта прыкладной матэматыкі і інфарматыкі БДУ адзіная ад Беларусі здолела прабіцца ў фінал чэмпіянату свету па праграмаванні сярод студэнтаў. У яе склад увайшлі другакурснік Аляксей Філіновіч, чацвёртакурснікі Яфім Клімашэўскі і Антон Палюховіч.


У паўфінале спаборніцтваў хлопцы заваявалі бронзавы медаль. Усяго ўдзельнікамі паўфіналу сталі 48 камандаў з Беларусі, Расіі, Казахстана, Кіргізіі, Грузіі, Узбекістана і Латвіі. Нашу краіну прадстаўлялі тры зборныя БДУ і адна — БДУІР.

Дарэчы, на рахунку БДУ таксама два дыпломы другой ступені.

Кожнай камандзе з трох чалавек быў дадзены адзін камп'ютар. На рашэнне 11 задач на англійскай мове давалася пяць гадзін. Студэнты распрацоўвалі алгарытм, даводзілі яго аптымальнасць і пісалі праграму на адной з моў праграмавання. Правільнасць рашэння правяралі з дапамогай аўтаматызаванай сістэмы. Перамога прысуджалася камандзе, якая рашыла найбольшую колькасць задач за найменшы час.

Чэмпіянат свету па праграмаванні сярод студэнтаў з'яўляецца найбуйнейшым міжнародным спаборніцтвам маладзёжнай эліты сусветнага праграмавання. Беларускія каманды ўдзельнічаюць у ім з 1995 года. За ўсю гісторыю ўдзелу скарбонку праграмістаў з БДУ папоўнілі залаты медаль, «бронза» і дзве сярэбраныя ўзнагароды. Пры гэтым БДУ з'яўляецца пастаянным удзельнікам фінальных выступленняў.

Фінал чэмпіянату свету па праграмаванні 2021 года пройдзе восенню. Фармат спаборніцтваў вызначаць у найбліжэйшы час.

Надзея НІКАЛАЕВА.

Выбар рэдакцыі

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.

Палітыка

Вялікая размова с кіраўніком Брэсцкай вобласці пра лёс рэгіёну

Вялікая размова с кіраўніком Брэсцкай вобласці пра лёс рэгіёну

«Асноўная задача — павысіць эфектыўнасць вытворчасці. Для гэтага патрэбна падняць аграрную галіну на больш высокі тэхналагічны ўзровень»

Грамадства

Экалагічна і эканамічна: як жыць па прынцыпе «Нуль адходаў»?

Экалагічна і эканамічна: як жыць па прынцыпе «Нуль адходаў»?

Гэта прынцыпы, накіраваныя на зніжэнне колькасці смецця і захаванне рэсурсаў планеты.

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.