Вы тут

Першы кітайскі марсаход атрымаў назву ў гонар бога агню


Першы кітайскі марсаход атрымаў назву «Чжу Жун», абвясцілі ў Кітайскім нацыянальным касмічным кіраванні (CNSA), перадае «Жэньмінь жыбаа» анлайн».


«Чжужун» — гэта імя бога агню ў старажытнакітайскай міфалогіі, што пераклікаецца з кітайскай назвай Марса — Хосін (вогненная планета).

Агонь прынёс цяпло і святло продкам чалавецтва, а таксама асвяціў чалавечую цывілізацыю. Як адзначыў намеснік кіраўніка CNSA У Яньхуа, назваўшы свой першы марсаход ў гонар бога агню Кітай распаліў полымя сваіх планетарных даследаванняў.

Паводле яго слоў, «Чжу» (па-кітайску «пажаданне») выказвае добрыя пажаданні чалавецтву ў даследаванні Сусвету . «Жун» (па-кітайску «інтэграцыя і супрацоўніцтва») адлюстроўвае бачанне Кітая аб мірным выкарыстанні космасу і стварэнні супольнасці адзінага лёсу чалавецтва.

Сярод «Цяньвэнь», «Чан’э», «Бэйдоў» і іншых назваў, узятых з традыцыйнай кітайскай культуры, гэтая назва з’яўляецца яшчэ адным прыкладам навуковага рамантызму работнікаў кітайскай паветрана-касмічнай галіны, а таксама дэманструе даследчы дух і культурную упэўненасць кітайцаў, падкрэсліў У Яньхуа.

У кітайскіх легендах Чжу Жун быў грозным персанажам, які раз’язджаў верхом на двух драконах. Ён прынёс у свет агонь з нябёсаў. Калісьці ў старажытным Кітаі імя Чжу Жун было адным з тытулаў тагачасных галоўнакамандуючых. За выбар гэтага імя для назвы марсахода прагаласавала каля 3 мільёнаў чалавек.

Марсаход «Чжу Жун», як плануецца, павінен быць высаджаны на Марс на працягу наступнага месяца. Гэта 240-кілаграмовы аўтаматычны ровер вышынёй 1,85 метра з хуткасцю руху 200 метраў у гадзіну. Адметна, што ракета-носьбіт, якая прынесла міжпланетную станцыю на арбіту Марса, арбітальны і пасадачны модулі, а таксама сам марсаход распрацаваны і выраблены Паднябеснай самастойна.

Прэв'ю: gazeta.ru

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем'і і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.