Вы тут

Адбылася сустрэча беларускіх і латвійскіх парламентарыяў


У Палаце прадстаўнікоў з дапамогай дыстанцыйнай сувязі адбылася сустрэча беларускіх і латвійскіх парламентарыяў. Ініцыятарам размовы, якую адразу абазначылі як адкрытую і як спробу аднаўлення міжпарламенцкага дыялогу, выступіў беларускі бок.


Яшчэ ў лістападзе кіраўнік рабочай групы Нацыянальнага сходу Беларусі па супрацоўніцтве з парламентам Латвійскай Рэспублікі, член Пастаяннай камісіі Палаты прадстаўнікоў па міжнародных справах Ганна Старавойтава накіравала лідару адпаведнай парламенцкай групы ў Сейме Латвіі ліст, у якім выказала жаданне аднавіць двухбаковыя стасункі на ўзроўні парламентаў.

«Мы лічым, гэта той рэсурс, які дазволіць выбудаваць палітычныя сувязі паміж краінамі, якія перарваліся пасля прэзідэнцкіх выбараў у нашай краіне, — расказала яна журналістам перад анлайн-сустрэчай. — Мы заверылі ў тым, што Беларусь гатовая адкрыта ўзаемадзейнічаць з Латвіяй, аднаўляць кантакты, якія ў нас былі дастаткова цесныя да 2020 года: рыхтаваўся візіт кіраўніка нашай дзяржавы, быў падпісаны шэраг міжурадавых дагавораў па навукова-тэхнічным супрацоўніцтве, сацыяльна-тэхнічным развіцці. На сёння гэтыя кантакты перарваліся, і гэта нас, парламентарыяў, турбуе, бо за гэтымі дагаворамі, кантактамі стаяць нашы людзі: народы Латвіі і Беларусі».

У красавіку беларускія парламентарыі таксама ў рэжыме відэаканферэнцыі сустракаліся з паслом Латвіі Эйнарсам Семанісам.

«З усіх прыбалтыйскіх краін з Латвіяй у нас былі самыя цесныя адносіны на ўсіх узроўнях: культурным, эканамічным...» — сказала Ганна Старавойтава.

Яна дадала, што, «нягледзячы на напружанасць у палітычнай плоскасці, краіны працягнулі актыўна ўзаемадзейнічаць у эканамічнай сферы: у 2020 годзе двухбаковы тавараабарот знізіўся не нашмат і склаў амаль 400 мільёнаў долараў».

«Нашы сустрэчы будуць станоўча ўплываць на развіццё, — падтрымаў беларускага калегу лідар парламенцкай групы супрацоўніцтва Сейма Латвіі з парламентам Беларусі Артур Рубікс. — Мы заўсёды былі сябрамі, у нас заўсёды былі добрасуседскія адносіны, прыхільнікам якіх я з'яўляюся. Спадзяюся, адносіны працягнуцца надалей, буду прыкладаць для гэтага намаганні».

Ён паўтарыў тэзіс, які абазначаў у адказе на ліст беларускіх парламентарыяў: народ Беларусі ў праве выбіраць свой шлях і вырашаць свае праблемы самастойна. «Я, як грамадзянін Латвійскай Рэспублікі, не маю права ўмешвацца і навязваць сваё меркаванне беларускаму народу і выказваць нейкія свае рэкамендацыі», — дадаў ён.

Вольга МЯДЗВЕДЗЕВА

Прэв’ю: pixabay.com

Загаловак у газеце: Паўза перарваная

Выбар рэдакцыі

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.