Вы тут

Фестываль «PROдвижение книги. Библиотечные ступени» пройдзе 29 красавіка


Фестываль «PROдвижение книги. Библиотечные ступени» пройдзе ў Карэліцкім раённым Цэнтры культуры і народнай творчасці 29 красавіка. Мерапрыемства, прысвечанае Году народнага адзінства і 80-годдзю пачатку Вялікай Айчыннай вайны, сёлета носіць назву «У кніжнай памяці імгненні вайны».


У рамках фестывалю адбудзецца раённы конкурс сярод структурных падраздзяленняў Карэліцкай раённай бібліятэкі і на найлепшую арганізацыю выставачнай работы, прысвечанай 80-годдзю пачатку Вялікай Айчыннай вайны «У кніжнай памяці імгненні вайны». Наведвальнікаў чакаюць прэзентацыі тэматычных праектаў у наступных намінацыях: «Маленькія героі вялікай вайны», «Лёс, абпалены вайной», «Песня дапамагала ў час вайны», «Жывёліны на франтах Вялікай Айчыннай вайны», «Сіла слабых» (жанчыны ў часы Вялікай Айчыннай вайны).

Акрамя таго ўсе ахвотныя змогуць трапіць на творчыя сустрэчы з беларускай пісьменніцай, журналісткай Людмілай Рублеўскай, дзіцячай паэтэсай, перакладчыцай Інай Фраловай, з паэтам, публіцыстам, журналістам Навумам Гальпяровічам і рэдактарам мастацкага аддзела часопіса сатыры і гумару «Вожык», мастаком-карыкатурыстам Аляксандрам Каршакевічам. Таксама пройдзе прэзентацыя новых серый і кніг ад выдавецтва «Мастацкая літаратура» з удзелам галоўнага рэдактара, пісьменніка, паэта, перакладчыка Віктара Шніпа.

Прэв’ю: pixabay.com

Загаловак у газеце: Літаратурныя ўспаміны пра вайну

Выбар рэдакцыі

Грамадства

Уладзімір Каранік: «На ШВЛ вакцынаваных няма»

Уладзімір Каранік: «На ШВЛ вакцынаваных няма»

Медыкі і губернатар Гродзенскай вобласці адказалі на пытанні па прышчэпках

Грамадства

Як партызаны за адну ноч знішчылі нямецкі гарнізон

Як партызаны за адну ноч знішчылі нямецкі гарнізон

22 чэрвеня 1943 года партызаны атрада «Бальшавік» здзейснілі нападзенне на фашысцкі гарнізон у былым саўгасе «Косіна».

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.