Вы тут

Падведзены вынікі конкурсу «Адновім нашу Зямлю!»


У конкурсе бралі ўдзел установы адукацыі з усёй Беларусі, якія працуюць па праграме «Зялёных школ». Журы атрымала больш за 1000 малюнкаў і больш за 200 відэаролікаў. Выбраць з мноства таленавітых работ найлепшыя было няпроста!


Конкурс праводзіўся ў рамках праекта «Далучэнне грамадскасці да экалагічнага маніторынгу і паляпшэнне кіравання аховай навакольнага асяроддзя на мясцовым узроўні», які фінансуецца Еўрапейскім саюзам і рэалізуецца Праграмай развіцця ААН у партнёрстве з Мінпрыроды. Узнагароджанне пераможцаў і прызёраў было прымеркавана да Сусветнага дня Зямлі.

Фота: pixabay.com

Удзельнікаў урачыстасці вітала пастаянны прадстаўнік Праграмы развіцця ААН у Рэспубліцы Беларусь Аляксандра САЛАЎЁВА:

— Мы працягваем змагацца з пандэміяй і адчуваем адказнасць за нашы дзеянні ва ўсё больш узаемазвязаным свеце. Крызіс нясе ў сабе і магчымасці развіваць зялёную эканоміку, пашыраць экалагічную адукацыю, выкарыстоўваць новыя веды, практыкі і тэхналогіі для выратавання планеты. З задавальненнем адзначаю, што гэтыя веды знайшлі адлюстраванне ў малюнках і відэароліках, дасланых на конкурс.

Да юных мастакоў звярнуўся першы намеснік міністра прыродных рэсурсаў і аховы навакольнага асяроддзя Баляслаў ПІРШТУК:

— Вашымі вачыма мы ўбачылі, якія надзённыя праблемы хвалююць маладое пакаленне. У многіх работах паказаны таксама шляхі іх вырашэння. Радуе, што сучасная моладзь клапоціцца пра будучыню не менш за эколагаў, што вы далучаеце да прыняцця экалагічна правільных рашэнняў сваіх бацькоў і сяброў.

Мінпрыроды падрыхтавала спецыяльныя прызы — тэрмакубкі для дзяцей з асаблівасцямі псіхафізічнага развіцця, якія бралі ўдзел у конкурсе.

Выхаванцы «зялёных школ» закранулі ў сваёй творчасці шмат актуальных тэм: зберажэнне прыродных рэсурсаў, абыходжанне з адходамі, ахову жывёл і раслін, аднаўленне балот і лясоў, валанцёрскую дзейнасць. Дзеці хочуць дыхаць свежым паветрам, піць чыстую ваду, чуць спевы птушак, бачыць вольнымі і шчаслівымі лясных і водных жыхароў.

Аб'яўляем пераможцаў!

Конкурс малюнкаў

Ілья Матылевіч, 6 гадоў, дашкольны цэнтр развіцця дзіцяці № 2 г. Ліды.

Максім Жураўка, 10 гадоў, сярэдняя школа № 2 г. Новалукомля.

Анастасія Аляхновіч, 12 гадоў, Германавіцкі дзіцячы сад — сярэдняя школа Шаркаўшчынскага раёна Віцебскай вобласці.

Юлія Марозава, 17 гадоў, сярэдняя школа № 1 г. Пінска.

Конкурс відэаролікаў

Софія Маталянец, 12 гадоў, Брэсцкі абласны цэнтр турызму і краязнаўства дзяцей і моладзі.

Дзяніс Васеха, 15 гадоў, гімназія № 7 г. Віцебска.

Пераможцы і прызёры атрымалі падарункі ад арганізатараў конкурсу.

Святлана ІШЧАНКА

Загаловак у газеце: Праблемы планеты вачыма дзяцей

Выбар рэдакцыі

Эканоміка

Каб фінансы працавалі. У што лепш укласці беларускія рублі

Каб фінансы працавалі. У што лепш укласці беларускія рублі

Адукаваныя людзі загадзя плануюць свой паток фінансаў, размяркоўваючы іх па перспектыўных напрамках, тым самым забяспечваючы сабе нябеднае жыццё. 

Грамадства

Унук штурмана звяна бамбардзіроўшчыкаў Дзмітрый Кузьмін: Дзякуй дзеду за ўсё!

Унук штурмана звяна бамбардзіроўшчыкаў Дзмітрый Кузьмін: Дзякуй дзеду за ўсё!

Аляксандр Кузьмін быў штурманам звяна бамбардзіроўшчыкаў у гады Вялікай Айчыннай вайны..

Грамадства

Каб усе світанні былі мірныя

Каб усе світанні былі мірныя

Памятныя мерапрыемствы ў Брэсце ўчора праходзiлi, сапраўды, ад свiтання да змяркання.