У правінцыі Хайнань запусцілі лічбавы юань

У порце свабоднага гандлю правінцыі Хайнань запусцілі эксперыментальнае прымяненне лічбавага юаня, перадае «Жэньмінь жыбаа» анлайн».

Хайнань стала адзінай у Кітаі правінцыяй, дзе стартавала выкарыстанне лічбавай валюты на шматлікіх пляцоўках. Жыхары могуць выкарыстоўваць лічбавыя грошы ў касах і апаратах самаабслугоўвання на аўтастанцыях горада Хайкоў. Адметна, што пры ўжыванні «лічбы» квіткі на міжгароднія аўтобусныя рэйсы можна купіць са зніжкай.

Мяркуецца, што ў перспектыве лічбавы юань атрымае больш шырокае распаўсюджанне ў порце свабоднага гандлю Хайнань, будзе інтэграваны ў рознічныя плацяжы больш зручным, бяспечным і высокаэфектыўным спосабам. У прыватнасці, людзі змогуць выкарыстоўваць віртуальныя грошы для аплаты невялікіх пакупак, грамадскага транспарту, урадавых і медыцынскіх паслуг.

Прэв’ю: stimul.online