Вы тут

Лінь ЮЙТАН у «Маладосці»


Лінь ЮЙТАН — вядомы кітайскі пісьменнік, філосаф. Вучыўся ў Шанхайскім універсітэце. Вывучаў літаратуру ў Гарвардзе. Пасля вучыўся ў Германіі ў Іенскім універсітэце. У 1923 годзе стаў доктарам філасофіі па лінгвістыцы. Выкладаў англійскую літаратуру ў Пекінскім універсітэце. Вёў літаратурна-крытычную калонку «Маленькая крытыка» ў адным са штотыднёвікаў. Найбольшую вядомасць Лінь Юйтану прынесла кніга «Кітайцы: мая краіна і мой народ», якая ўпершыню выйшла ў ЗША на англійскай мове і стала бестсэлерам. Некаторы час кітайскі пісьменнік жыў у Парыжы, працаваў у ЮНЕСКА. Пасля ізноў — у ЗША, а з 1966 года — на Тайвані. Памёр Лінь Юйтан 26 сакавіка 1976 года ў Ганконгу. Цела пісьменніка перавезлі на Тайвань, дзе ён і пахаваны.


peoples.ru

У красавіцкім, чацвёртым па ліку за 2021 год, нумары часопіса «Маладосць» надрукаваны ўрыўкі з кнігі Лінь Юйтана «Кітайцы: мая краіна і мой народ». Дакладней — старонкі раздзела «Жыццёвыя ідэалы». Размова ў лаканічным, дакладна ілюструючым лёсавызначальныя інтарэсы кітайскай нацыі, тэксце — пра кітайскі гуманізм, рэлігію кітайцаў. Пераклаў публіцыстыку Лінь Юйтаня на беларускую мову Алесь Карлюкевіч. Працяг раздзела «Жыццёвыя ідэалы» — у пятым нумары часопіса «Маладосць», які пабачыць свет напрыканцы мая 2021 года.

З ілюстрацыямі да ўрыўка з кнігі «Кітайцы: мая краіна і мой народ» выступае беларускі мастак азербайджанскага паходжання Каміль КАМАЛ, які жыве і працуе ў Мінску. Дарэчы, спадар Камал не ўпершыню як кніжны графік звяртаецца да кітайскай тэмы. У апошнія гады ў афармленні Каміля Камала пабачыў цэлы шэраг кніг кітайскай паэзіі ў перакладзе на беларускую мову — у серыі «Светлыя знакі: паэты Кітая», а таксама анталогія кітайскай паэзіі XX стагоддзя «Пялёсткі лотаса і хрызантэмы», вялікі зборнік вершаў Ай ЦІНА «Гімн святлу». Некаторыя з гэтых выданняў адзначаны на конкурсах «Мастацтва кнігі» і «Мастацтва кнігі СНД».

Будзем спадзявацца і на асобнае кніжнае выданне кнігі Лінь Юйтаня «Кітайцы: мая краіна і мой народ» у перакладзе на беларускую мову.

Кастусь ЛЕШНІЦА

Выбар рэдакцыі

Палітыка

Перакрылі кісларод. Чаму ва Украіне склалася патавая сітуацыя падчас пандэміі?

Перакрылі кісларод. Чаму ва Украіне склалася патавая сітуацыя падчас пандэміі?

Украіна выйшла на трэцяе месца ў свеце і першае ў Еўропе па смяротнасці ад COVІD-19.

Грамадства

Размовы на кухні. Альбо ткаць, альбо прасці, альбо песенкі спяваць

Размовы на кухні. Альбо ткаць, альбо прасці, альбо песенкі спяваць

Сёння гутарка прысвечана выбару прафесіі для хлопцаў і дзяўчат.

Грамадства

Як выбраць самыя дакладныя тэрмометр і танометр

Як выбраць самыя дакладныя тэрмометр і танометр

У апошнія гады з прычыны пандэміі многія медыцынскія тэрміны сталі агульнаўжывальнымі словамі.

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.