Вы тут

Каханне і пошук сэнсу жыцця


У выдавецтве «Мастацкая літаратура» пабачыў свет новы раман беларускага пісьменніка Вітаўта ЧАРОПКІ, добра вядомага і як папулярызатара айчыннай гісторыі, шматгадовага аўтара газеты «Звязда» і сеткавага выдання zviazda.by Біяграфіі слынных сыноў і дачок Бацькаўшчыны, якія лаканічна, з высокім узроўнем дасведчанасці, з выкарыстаннем самых розных, часам забытых архіўных, дакументальных крыніц, пераказвае таленавіты літаратар, гістарычны публіцыст, дапамагаюць болей рэльефна ўявіць падзеі мінулых стагоддзяў, тыя з’явы, што сфарміравалі Беларусь. «Пантэон вялікіх беларусаў» — такую назву носіць аўтарскі праект Вітаўта Чаропкі.


А што да рамана «Паўшыя анёлы» (выйшла, дарэчы, толькі першая яго кніга), то ён прысвечаны тэме кахання і пошуку сэнсу жыцця. Падзеі пачынаюцца ў Старажытным Рыме з яго прыдворнымі інтрыгамі, дзе аўтар знаходзіць правобраз свайго галоўнага героя, які далей перажывае незвычайныя прыгоды, мастакі Вітак і Альбрэхт неверагодным чынам трапляюць з 1939 года ў наш час. Як высвятляецца, за ўльтрасучасным фасадам хаваюцца грамадскія язвы мінулага. І толькі каханне і сяброўства дапамагаюць героям перадолець нечаканыя выпрабаванні ў супрацьстаянні з суровай рэчаіснасцю. Рэальнасць у рамане пераходзіць у містыку, а містыка пераплятаецца з гісторыяй.

Выданне рамана «Паўшыя анёлы» ажыццёўлена па заказе і пры фінасавай падтрымцы Міністэрства інфармацыі Рэспублікі Беларусь. Нагадаем, што Вітаўт Чаропка выступае ў друку з 1988 года. Пісьменнік з’яўляецца аўтарам некалькіх дзесяткаў кніг мастацкай прозы, гістарычных нарысаў: «Храм без бога», «Імя ў летапісе», «Уладары Вялікага Княства», «Гісторыя нашага імя», «Перамога ценю», «Вялікі кнзяь Вітаўт»...

Кастусь ЛЕШНІЦА

Выбар рэдакцыі

Грамадства

4 простыя спосабы зрабіць добрае ўражанне на мужчыну. Адказвае псіхолаг

4 простыя спосабы зрабіць добрае ўражанне на мужчыну. Адказвае псіхолаг

Дзе б вы ні працавалі і чым бы ні займаліся, уменне мець зносіны і зрабіць добрае ўражанне – адзін з самых галоўных навыкаў.

Культура

Аб гумары і сатыры ў жыцці Купалы і Коласа распавядае сумесны музейны праект

Аб гумары і сатыры ў жыцці Купалы і Коласа распавядае сумесны музейны праект

Сёлета адзначаецца 140-годдзе з дня нараджэння класікаў.

Грамадства

Гаджэт для фельчара. Як працуюць ФАП і амбулаторыя ў самым аддаленым сельсавеце Пружанскага раёна

Гаджэт для фельчара. Як працуюць ФАП і амбулаторыя ў самым аддаленым сельсавеце Пружанскага раёна

Паведаміла Людміла Аляксееўна, якая загадвае фельчарска-акушэрскім пунктам і з'яўляецца фельчарам, акушэркай, медсястрой у адной асобе.