Вы тут

Хатняя энцыклапедыя


Пакаштуйце!

Салата «Французская»

Спатрэбіцца: яблыкі — 2 шт., вараныя яйкі — 4 шт., сырая морква — 2 шт., цыбуля — 2-3 шт., сыр — 100 г, маянэз.

Салата робіцца слаямі.

1-ы слой — цыбуля, нарэзаная тонкімі паўколцамі і запараная кіпенем, маянэз;

2-і слой — 1 яблык надзерці на буйной тарцы, маянэз;

3-і слой — 2 яйкі, надзерці на буйной тарцы, маянэз;

4-ы слой — 1 моркву надзерці на сырнай тарцы, маянэз;

5-ы слой — сыр надзерці на сырнай тарцы.

Паўтараем слаі: 1 яблык, 2 яйкі, 1 морква, сыр.

Святочная фаршыраваная курыца

Спатрэбіцца: курыца — 1,5-2 кг; чарнасліў — 8 шт.; часнок — 2 зубкі; цыбуля рэпчатая — 2 шт.; сыр — 200 г; вяндліна — 250 г; шампіньёны — 300 г; перац духмяны, любімыя спецыі для курыцы, соль — на смак; маянэз. Для бліноў: алей — 1 ч. л., яйка — 1 шт., малако — 200 мл, мука — 100 г.

Для бліноў змешваем яйка, соль, муку, ваду і алей, каб не было камячкоў і смажым на патэльні з двух бакоў.

Наразаем вяндліну саломкай, надзіраем сыр на буйной тарцы. Чарнасліў наразаем дробна. Абсмажваем дробна нарэзаную цыбулю і часнок. Дадаём да цыбулі грыбы. Смажым да гатоўнасці.

У тушкі курыцы аддзяляем мяса ад скуры (акуратна, каб не пашкодзіць цэласнасць скуры). Пакідаем толькі крылы і ножкі. Здымаем мяса з костак і дробна наразаем. Дадаём да іншых інгрэдыентаў, змешваем, солім, перчым і дадаём спецыі. Атрыманай начынкай фаршыруем бліны. На край кладзём начынку і згортваем у рулет.

Выкладаем іх у скурку, надаючы натуральны выгляд тушцы.

Зверху на бліны выкладваем начынку, якая засталася. Зашываем тушку. Прывязваем да тушкі крылы і ножкі для надання курыцы «таварнага» выгляду. Лепш выкарыстоўваць яркія ніткі, каб пасля прыгатавання іх лёгка можна было выдаліць. Выкладваем на бляху, змазваем маянэзам, абсыпаем спецыямі і — у духоўку на 1 гадзіну пры 200 оС.

Другое жыццё

Кіпцеўка

Калі ў вас у доме жывуць мурлыкі, ім дакладна спадабаецца кіпцеўка, зробленая са старога дывана. Гэта можа быць зусім просты варыянт, выкананы з невялікага кавалка. Выражце з дывана прамавугольнік і прыбіце яго да сцяны ў тым месцы, дзе шпалеры абадраныя (першая прыкмета таго, што ваш кот адчувае асаблівую любоў да гэтага ўчастка). Цяпер сцяне нічога не пагражае.

Прыкладна такім жа спосабам можна засцерагчы і дзверы, якія часта падвяргаюцца «нападу» (звычайна найбольш «небяспечнае» месца знаходзіцца каля ручкі). З драўляных рэек зрабіце раму, унутр якой змясціце адрэз дывана. Уверсе выражце адтуліну для ручкі і павесьце засцярогу на дзверы.

Калі вы вырашылі зрабіць слуп-кіпцеўку, то для яго стварэння спатрэбіцца, акрамя дывана, адрэзак пластыкавай трубы вялікага дыяметра. Абклейце трубу дываном, зрабіце для яе надзейную аснову і пастаўце ў патрэбным месцы.

Выкарыстоўваюць дываны таксама пры стварэнні ляжанак для дамашніх гадаванцаў.

Выбар рэдакцыі

Грамадства

Рэгістрацыйныя карткі для таксістаў

Рэгістрацыйныя карткі для таксістаў

А яшчэ нармальны рабочы дзень, адпачынак і права на «бальнічны»...

Здароўе

Каварны і смяротны вірус: гепатыт варта трымаць пад кантролем

Каварны і смяротны вірус: гепатыт варта трымаць пад кантролем

Ад захворванняў, звязаных з гепатытам, у свеце кожныя 30 секундаў памірае адзін чалавек.