Вы тут

Выданні і журналісты Выдавецкага дома «Звязда» — сярод пераможцаў і лаўрэатаў «Залатой літары» і «Залатога пяра»


Выданні і журналісты Выдавецкага дома «Звязда» — сярод пераможцаў і лаўрэатаў конкурсаў «Залатая літара» і «Залатое пяро».


Традыцыйна ў Дзень друку прайшла цырымонія ўзнагароджання пераможцаў і лаўрэатаў ХVІІ Нацыянальнага конкурсу «Залатая літара», заснавальнікам якога з'яўляецца Міністэрства інфармацыі. Сёлета на конкурс прадстаўлена 335 заявак перыядычных выданняў, інфармацыйных агенцтваў і персаналій у 25 намінацыях. Большасць заявак — 270 — з рэгіянальных СМІ, з рэспубліканскіх — 48, з карпаратыўных і гарадскіх — 17. Сярод пераможцаў конкурсу — і выданні РВУ «Выдавецкі дом «Звязда».

У намінацыі «Найлепшыя матэрыялы навуковай, навукова-папулярнай тэматыкі» пераможцам стаў грамадска-палітычны, навукова-папулярны экалагічны часопіс «Родная прырода». На працягу многіх гадоў выданне асвятляе пытанні аховы прыроды, захавання біялагічнай і ландшафтнай разнастайнасці, рацыянальнага выкарыстання прыродных рэсурсаў, змянення клімату з удзелам навукоўцаў і спецыялістаў-эколагаў і прадстаўнікоў грамадскасці.

Дыплом лаўрэата ў намінацыі Гран-пры «Найлепшы творчы праект года рэспубліканскіх друкаваных СМІ, інфармацыйных агенцтваў, сеткавых выданняў» атрымаў праект «Дарогамі славы», рэалізаваны на старонках газеты «Звязда» да 75-годдзя Вялікай Перамогі.

У намінацыі «Найлепшыя матэрыялы грамадска-палітычнай тэматыкі» лаўрэатам стаў праект газеты «Звязда» «Жыві і квітней, Беларусь!», а сярод лаўрэатаў у намінацыі «Найлепшыя матэрыялы гісторыкакраязнаўчай тэматыкі» — праект «Ігуменскі тракт».

Матэрыялы дадатку газеты «Звязда» «Чырвонка. Чырвоная змена» былі адзначаны ў якасці лаўрэата ў намінацыі «Найлепшыя матэрыялы маладзёжнай, дзіцяча-юнацкай тэматыкі». Статус лаўрэата ў намінацыі «Найлепшыя матэрыялы па тэматыцы спорту і здаровага ладу жыцця» атрымаў праект «Звязды» «Алімпіец».

Фота Яна ХВЕДЧЫНА.

Учора таксама былі падведзены вынікі творчага конкурсу Беларускага саюза журналістаў «Залатое пяро». Пераможцам у намінацыі «Найлепшая работа ў галіне фотажурналістыкі, дызайну» стаў загадчык аддзела фотаілюстрацый Выдавецкага дома «Звязда» Анатоль Кляшчук (на фота) з праектам «Вытокі малой радзімы»

Таксама да прафесійнага свята шэраг супрацоўнікаў Выдавецкага дома «Звязда» атрымалі ганаровыя граматы і падзякі ад Міністэрства інфармацыі.

Загаловак у газеце: На старонках — жыццё краіны

Выбар рэдакцыі

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.