Лепшую шматдзетную сям'ю года ў Мінску назавуць 14 мая

У сталіцы праходзіць гарадскі конкурс «Лепшая шматдзетная сям’я 2021 года». Сярод удзельнікаў 21 сталічная сям’я. Пра гэта агенцтву «Мінск-Навіны» паведамілі ў Мінскім гарадскім цэнтры сацыяльнага абслугоўвання сям’і і дзяцей.

У ліку ўдзельнікаў як пераможцы раённых этапаў конкурсу, так і сем’і, якія жадаюць падзяліцца сваім пазітывам і талентамі з гараджанамі.

У гэтым годзе конкурс праводзіцца ў анлайн-фармаце па трох намінацыях:

• «Радавод» — неабходна прадставіць фотаальбом пра сям’і;
• «Сакрэт поспеху» — відэасюжэт, які раскрывае творчы патэнцыял бацькоў і дзяцей;
• «Сямейны кулінарны шэдэўр» — прэзентацыя любімага стравы, якую рыхтуюць усе разам.

Кожны тур журы будзе ацэньваць па 10-бальнай сістэме.

Урачыстая цырымонія ўзнагароджання пераможцаў і лаўрэатаў конкурсу пройдзе 14 мая ў Цэнтры дадатковай адукацыі дзяцей і моладзі «Кантакт».

Усе матэрыялы конкурсу будуць даступныя на сайце і ў сацыяльных сетках Цэнтра сям’і і дзяцей.