Многія мінчане пачалі прыводзіць у парадак могілкі сваіх родных і блізкіх. Але традыцыйна шмат людзей збіраецца там менавіта на Радаўніцу, што часам не абыходзіцца без дробных праблем і непаразуменняў. Каб звесці іх да мінімуму, мясцовыя ўлады сталіцы загадзя правялі папярэднюю работу.
Як паведамілі ў Мінгарвыканкаме, тэме Радаўніцы была прысвечана спецыяльная нарада з прадстаўнікамі зацікаўленых службаў. Іх кіраўнікі далажылі аб тым, што ўсе могілкі, як у горадзе, так і за яго межамі, пэўным чынам падрыхтаваны і добраўпарадкаваны, а там, дзе трэба, зроблены рамонт, забяспечаны вадой і кантэйнерамі для смецця, вызначаны месцы для продажу кветак. Паўсюдна будзе наладжаны пракат інвентару для прыбірання могілак, каб людзі не везлі з сабой лапаты, шуфлікі, мяцёлкі і іншыя прылады.
Каб не ўзнікала недарэчнасцяў з транспартам, мясцовыя ўлады сталіцы прадумалі і гэта пытанне. Ёсць адпаведная дамоўленасць з ДАІ аб кантролі за рухам да могілак. Туды, дарэчы, на Радаўніцу ўезд аўтамабіляў будзе бясплатны. Падрабязную інфармацыю пра маршруты грамадскага транспарту да могілак з 8 да 11 мая можна знайсці на сайце гарвыканкама.
Леанід Тугарын
Думаць пра тое, чым харчуецца ваша дзіця ў школе, гэтак жа важна, як і пра тое, якім прадметам яго там вучаць.
Адной з найбольш даступных і захапляльных моў дыпламатыі з'яўляецца спорт.
Міжнародны дзень тэатра добра было б адзначыць у глядзельнай зале.
Разбіраемся разам з урачом па медыцынскай прафілактыцы.
