27-29 мая Цэнтр даследаванняў беларускай культуры, мовы і літаратуры Нацыянальнай акадэміі навук Беларусі арганізуе II Міжнародны форум даследчыкаў беларускай казкі.
У яго рамках пройдзе Дзіцячы конкурс выканальнікаў беларускай казкі. Да ўдзелу ў ім запрашаюцца дзеці і падлеткі ва ўзросце да 17 гадоў.
Умовы конкурса:
1. Абярыце вашу любімую беларускую народную казку.
2. Пры дапамозе бацькоў ці сяброў здыміце відэаролік, у якім вы расказваце гэтую казку альбо яе самы пазнавальны фрагмент. Казка павінна быць пераказана на беларускай мове. Вітаюцца выканальніцкае майстэрства і ўменне імправізаваць!
3. Загрузіце відэаролік да 25 мая ў сацыяльныя сеткі (Tik Tok, Instagram, Facebook,YouTube і іншыя) і пазначце хэштэгамі #конкурсказкі2021, #казка2021, #belarusiantails2021. Профілі ў сацсетках павінны быць адкрыты на час конкурса.
Пераможцаў чакаюць каштоўныя прызы (электронная кніга, гадзіннікі і іншыя падарункі) ад партнёраў форума – кампаніі “Белдзяржстрах” і Мінскага гадзіннікавага завода.
Найлепшы ролікі будуць прадстаўлены падчас Форума.
Па пытаннях удзелу ў конкурсе звяртайцеся па тэл. 8 (017) 270 18 03 або на электронны адрас forumtales2021@gmail.com.
Надзея НІКАЛАЕВА
Прэв’ю: БелТА.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».