Вы тут

Абвешчаныя пераможцы радыёконкурсу «Маладыя таленты Беларусі»


Першы нацыянальны канал Беларускага радыё абнародаваў вынікі Х Рэспубліканскага творчага радыёконкурсу «Маладыя таленты Беларусі». Прызёрамі юбілейнага спаборніцтва сталі 144 фіналісты.


Варта адзначыць, што два туры творчага конкурсу прайшлі ў красавіку ў дыстанцыйным фармаце, а фінальны трэці тур даў магчымасць арганізатарам і журы праслухаць ужывую выкананне ўдзельнікаў-салістаў вакальных і інструментальных твораў у студыі Дома радыё. У калектыўных харавых, аркестравых і ансамблевых намінацыях фінальны тур праходзіў анлайн. Увогуле, сёлетні Х творчы радыёконкурс стаў найбольш маштабным за ўсю гісторыю свайго існавання, паколькі сабраў 632 заяўкі ад удзельнікаў з усёй Беларусі.

Рашэннем журы Гран-пры «Маладых талентаў Беларусі» прысуджаны пяці ўдзельнікам праекта ў розных намінацыях. Сярод пераможцаў: Валерыя Шманай (Жодзіна), Вікторыя Янушкевіч (Ракаў), народны хор «Радзейка» (Гомель), народны ансамбль цымбалістаў «Лілея» (Брэст) і народны духавы аркестр УА «МДМК імя Агінскага» (Маладзечна). Акрамя таго, 76 салістаў і калектываў прызнаны лаўрэатамі І, ІІ і ІІІ ступеняў, а 63 удзельнікі ўдастоіліся спецыяльных дыпломаў праекта.

З поўным спісам пераможцаў можна азнаёміцца на сайце Першага нацыянальнага радыё альбо на тэлеграм-канале «Радыё_1». Усе пераможцы атрымалі памятныя ўзнагароды, а таксама права на ратацыю ў эфіры галоўнага радыёканала краіны.

Алена ДРАПКО

Выбар рэдакцыі

Палітыка

Аляксандр Лукашэнка: Мы родную зямлю, незалежнасць і суверэнітэт нікому не аддадзім. Мы ў любым выпадку выстаім!

Аляксандр Лукашэнка: Мы родную зямлю, незалежнасць і суверэнітэт нікому не аддадзім. Мы ў любым выпадку выстаім!

 У Брэсцкай крэпасці прайшла цырымонія, прысвечаная 80-годдзю з дня пачатку Вялікай Айчыннай вайны.

Грамадства

Каб усе світанні былі мірныя

Каб усе світанні былі мірныя

Памятныя мерапрыемствы ў Брэсце ўчора праходзiлi, сапраўды, ад свiтання да змяркання.